قىزىلوردا وبلىستىق سوتىنىڭ ءباسپاسوز قىزمەتىنىڭ مالىمەتىنشە, الاياقتار الەۋمەتتىك جەلىدە وزدەرىنىڭ اۆاتارلارىنا سۇلۋ قىزداردىڭ سۋرەتتەرىن قويىپ, جالعان پاراقشالار اشقان. سوسىن وسى قىزداردىڭ اتىنان ەر ادامدارمەن سويلەسكەن. ۋاقىت وتە كەلە بوپسالاۋشىلار قىزداردىڭ جالاڭاش سۋرەتتەرىن جىبەرىپ, مەملەكەتتىك قىزمەتكەرلەردەن ينتيمدىك فوتولارىن سۇراعان.
سۋرەتتەردى قولعا تۇسىرگەن الاياقتار وسى ارقىلى مەملەكەتتىك قىزمەتكەرلەردى بوپسالاپ, اقشا تالاپ ەتكەن.
قىزىلوردا وبلىسىندا 12 مەملەكەتتىك قىزمەتكەر مەن بەلگىلى شەنەۋنىك الاياقتاردىڭ قۇربانى بولدى.
تەرگەۋدەن كەيىن 11 جابىرلەنۋشىنىڭ اقشاسىن قايتارىپ العانى بەلگىلى بولدى. ولار ارىز جازۋدان باس تارتتى. ءبىر عانا جابىرلەنۋشى ب. كەرى قايتارىلعان 500 مىڭ تەڭگەنى الماي, بوپسالاۋشىلاردىڭ ۇستىنەن سوتقا بەرۋگە شەشىم قابىلداعان.
سوت وتىرىسىندا الاياقتاردىڭ وزدەرى كىنالارىن مويىندادى.
ءۇش سوتتالۋشىعا قاتىستى سوت ۇكىمى شىعارىلىپ, ولار قازاقستان كىنالى دەپ تانىلدى.
ولاردىڭ ارقايسىسىنا 3 جىل 6 اي مەرزىمگە باس بوستاندىعىن شەكتەۋ, سونداي-اق ۇكىمدى ورىنداۋ كەزىندە جىلىنا 100 ساعات ءماجبۇرلى جۇمىسقا تارتۋ جازاسى تاعايىندالدى.
سوتتالۋشىلاردان 500 000 تەڭگە كولەمىندەگى زالال بىرلەسىپ ءوندىرىلدى. ۇكىم زاڭدى كۇشىنە ەندى.
