سامارقاند وبلىسىنىڭ كاتتاقورعان اۋداندىق سوتى سوتتالۋشىنىڭ Instagram پاراقشاسىن بۇعاتتاۋ تۋرالى دا شەشىم شىعاردى.
ءىس ماتەريالدارىنا سايكەس, ي.د. جەلىدە پرەزيدەنتتىڭ وتباسىلىق ۆيدەوسى استىنا شاۆكات ميرزيەەۆكە قاتىستى جاعىمسىز جازبا قالدىرعان. سوت-مەديتسينالىق ساراپتاما تۇسىنىكتەمەدە مەملەكەت باسشىسىنا ءتىل تيگىزىپ, بەدەلىن تۇسىرۋگە باعىتتالعان ارەكەتتەردىڭ بارىن راستادى.
ءىستى قاراۋ بارىسىندا سوتتالۋشى دوستارىنىڭ كەڭەسىنەن كەيىن ءوز پىكىرىن ءوشىرىپ تاستاعانىن ايتىپ, ءوز كىناسىن تولىق مويىندادى. ول جاساعان ارەكەتىنە وكىنىپ, بۇل وقيعانىڭ ساياسي جاعدايدى تۇسىنبەۋشىلىك سالدارىنان بولعانىن العا تارتىپ, جازاسىن جەڭىلدەتۋدى سۇراعان.
سۋديا ت.الماماتوۆ ي.د.-نى وزبەكستان قىلمىستىق كودەكسىنىڭ 158-بابىنىڭ 3-بولىگىمەن پرەزيدەنتتى اشىق تۇردە قورلاۋ نەمەسە جالا جابۋ بويىنشا كىنالى دەپ تانىپ, 2 جىل 6 ايعا باس بوستاندىعىنان ايىردى. سونىمەن قاتار, سوت Instagram-داعى dilshod_oke9377 ءپروفيلىن بۇعاتتاۋ تۋرالى شەشىم قابىلدادى جانە تسيفرلىق تەحنولوگيالار مينيسترلىگىنە شەشىمدى ورىنداۋدى مىندەتتەدى.
ەسكە سالايىق, 2021 جىلدىڭ ناۋرىز ايىندا قىلمىستىق كودەكس تەلەكوممۋنيكاتسيا جەلىلەرىن نەمەسە ينتەرنەتتى پايدالانا وتىرىپ, پرەزيدەنتتى كوپشىلىك الدىندا قورلاۋ نەمەسە جالا جابۋ ءۇشىن جاۋاپكەرشىلىكتى بەلگىلەيتىن نورمامەن تولىقتىرىلعان بولاتىن.
