قازاقستان شاحمات فەدەراتسياسىنىڭ باستاماسىمەن قولعا الىنعان جوبانىڭ ماقساتى – شاحماتتى ەل اراسىندا كەڭىنەن ناسيحاتتاۋ. گراند-فينالدىڭ اشىلۋ سالتاناتىندا وبلىس اكىمىنىڭ ورىنباسارى بەيسەنباي تاجىباەۆ ەلىمىزدىڭ تۇكپىر-تۇكپىرىنەن كەلگەن قاتىسۋشىلارعا ساتتىلىك تىلەپ, ىستىق ىقىلاسىن جەتكىزدى. وسى جوبا ناتيجەسىندە قوعامدا شاحماتقا دەگەن سۇرانىس ارتقانىن, ال تۇركىستان وڭىرىندە قازىر 3 مىڭنان اسا بالا شاحماتپەن اينالىساتىنىن اتاپ ءوتتى.
ءيا, قىركۇيەكتىڭ 10-ى كۇنى استانادان شىققان اۆتوكەرۋەن ساحنا مەن ارنايى «شاحمات» كيىز ءۇيى بار جۇك كولىگىمەن بىرگە 14 مىڭ شاقىرىمنان اسا جول ءجۇردى. فەدەراتسيا مالىمەتىنە جۇگىنسەك, چەمپيونات بارىسىندا جالپى 1 800 پارتيا وينالىپ, 400 شاحماتشى 60 كۇن بويى جارتىلاي فينالدا ءوزارا باق سىناسقان. جوبا اياسىندا ءار وبلىستا فەدەراتسيانىڭ فيليالدارى اشىلىپ, جاڭا توراعالار تاعايىندالدى. «شاحمات كەرۋەنى» – ۇلكەن ارماندار ورىندالاتىن مەكەن. مۇندا جاسىنا, جىنىسىنا, الەۋمەتتىك جاعدايى مەن شىققان جەرىنە قاراماستان, ءاربىر تالانتتى ادام ءوز وتانداستارىنىڭ ورتاسىندا چەمپيون بولا الادى. سوڭعى بىرنەشە ايدىڭ ىشىندە ءبىز بۇل جوبانىڭ كەزەكتى تۋرنيرلەردەن الدەقايدا ماڭىزدى ەكەنىن تۇسىندىك. سونىڭ ارقاسىندا ەل ينتەللەكتۋالدارىن ءبىر ارناعا توعىستىرا الدىق», دەدى قازاقستان شاحمات فەدەراتسياسىنىڭ پرەزيدەنتى تيمۋر تۋرلوۆ.
جالپى, جۇلدە قورى 16 ملن تەڭگەنى قۇرايتىن, ەل تاريحىنداعى العاشقى جوبا «Freedom Broker» باس سەرىكتەسىنىڭ قولداۋىمەن جۇزەگە اسىپ وتىر.
«ستاتيستيكا بويىنشا شاحماتتان تاجىريبەسى بار ادامدار قور نارىعىندا جوعارى ناتيجەگە جەتەدى ەكەن. ادامي كاپيتالدى ارتتىرۋ, ستراتەگيا قۇرۋ مەن سىني ويلاۋ جاعىنان دا ول ارقاشان باسىمدىققا يە. سول سەبەپتى ءبىز شاحماتقا ينۆەستيتسيا قۇيىپ جاتىرمىز», دەدى «Freedom Broker» باسقارما توراعاسىنىڭ ورىنباسارى ءتۇسىپ نۇكەنوۆ.
سونىمەن, تۇركىستاندا ويىنشىلاردىڭ سالىستىرمالى كۇشىن ەسەپتەۋ ادىسىمەن ەلو رەيتينگى 2000-عا دەيىنگى اقتىق سىنعا شىققان 60 شاحماتشى 11 تۋردان تۇراتىن تۋرنيردە باسەكەگە ءتۇسىپ, ناتيجەسىندە, 6 جەڭىمپاز جۇلدەلى سىيلىقتارعا يە بولدى. ناقتىراق ايتساق, نۇرمۇحاممەد قابينازار 1-ورىندى يەلەنىپ, 5 ملن تەڭگە الدى. ءتۋرنيردىڭ 12 جاستاعى جەڭىمپازى نۇرمۇحاممەد قابينازار شاحماتپەن 4 جاسىنان باستاپ اينالىسىپ كەلەدى. ەندىگى ماقساتى – گروسسمەيستەر مەن فيدە شەبەرى اتانۋ. ال جۇلدەگە العان 5 ملن تەڭگەنىڭ باسىم بولىگىن جاس جەڭىمپاز قايىرىمدىلىققا جۇمسايتىنىن ءمالىم ەتتى. 2-ورىندى بوريس چەركاسوۆ (2,5 ملن تەڭگە), 3-ورىندى – سۇلەيمان احمەت
(1 ملن تەڭگە) يەلەنسە, 4-ورىنعا – مۇحتار ايناقۇل (500 مىڭ تەڭگە), 5-ورىنعا – ماديار التىنبەك ۇلى (300 مىڭ تەڭگە), 6-ورىنعا – ءانۋار توقباەۆ (150 مىڭ تەڭگە) كوتەرىلدى. سونداي-اق اسەل لەسبەكوۆا (ايەلدەر اراسىنداعى ۇزدىك ناتيجە), الەكساندر ۆيۋنيچەنكو (50 جاستان اسقاندار بويىنشا), ستەپان ليۋتسيك (20 جاسقا دەيىنگى كورسەتكىش), اقىلبەك جاقسىلىق (16 جاسقا دەيىنگىلەر اراسىندا), ەرنازار يسۋمباەۆ (ەلو رەيتينگى 2000-عا دەيىن), اسەلاي سەيدۋللا (ەلو رەيتينگى 1800-گە دەيىن), دميتري دانيلوۆ (ەلو رەيتينگى 1600-گە دەيىن), ەرنۇر ەرجان ۇلى (ەلو رەيتينگى 1400-گە دەيىنگى ۇزدىك ناتيجە) اتالىمدارى بويىنشا ماراپاتتالىپ, 100 مىڭ تەڭگەلىك اقشالاي سەرتيفيكاتتارعا يە بولدى.
تۇركىستان
