"استاناداعى مەيرامحانالاردىڭ بىرىندەگى ايەلدىڭ ولىمىنە قاتىستى وقيعانى ەلوردالىق پوليتسيا دەپارتامەنتى قر قىلمىستىق كودەكسىنىڭ 99-بابى 1-بولىگى بويىنشا تەرگەپ جاتىر", - دەلىنگەن حابارلامادا.
قىلمىستىق كودەكستىڭ 99-بابى 1-تارماعى ("ادام ءولتىرۋ") ماتىنىندە بىلاي كورسەتىلگەن:
"ادام ءولتiرۋ, ياعني باسقا ادامدى قۇقىققا قارسى قاساقانا قازاعا ۇشىراتۋ – سەگىز جىلدان ون بەس جىلعا دەيiنگi مەرزiمگە باس بوستاندىعىنان ايىرۋعا جازالانادى".
ەسكە سالايىق, 9 قاراشادا ەكس-مينيستر قۋاندىق بيشىمباەۆتىڭ ۇستالعانى بەلگىلى بولدى. استاناداعى مەيرامحانالاردىڭ بىرىندە كەلۋشىلەر اراسىندا جانجال شىعىپ, سالدارىنان ءبىر ايەل العان جاراقاتىنان كوز جۇمعان.
سونداي-اق, ساعات 19:54-تە استانالىق جەدەل مەديتسينالىق قىزمەت كورسەتۋ ستانتسياسى پۋلتىنە قوڭىراۋ تۇسكەن. جەدەل جاردەم بريگاداسى جەتكەندە 1992 جىلى تۋعان ايەلدىڭ قازا بولعانى راستالدى. كەيىن مارقۇمنىڭ 31 جاستاعى سالتانات نۇكەنوۆا ەكەنى بەلگىلى بولدى. ول - قۋاندىق بيشىمباەۆتىڭ ايەلى.
