وتكەن جىلى قازاقستاننىڭ جانە رەسەيدىڭ بانكتەرى اراسىنداعى ساۋدا اينالىمى بويىنشا ءوزارا تولەمدەر سانى – 55, ال وسى جىلدىڭ جەتى ايىندا 11,5 پايىزعا ارتىپ, قازىرگى كۇنى 9,2 ميلليارد تەڭگەگە جەتىپ وتىر. ال بۇعان دەيىن بىرنەشە رەت كوتەرىلگەن ورتاق ۆاليۋتا ەنگىزۋ تۋرالى سۇراققا كەلسەك, مۇنداي ماسەلە ءبىزدىڭ ينتەگراتسيالىق ىنتىماقتاستىعىمىز اياسىندا ەشۋاقىتتا كۇن تارتىبىنە قويىلعان ەمەس, تالقىلانعان دا ەمەس. ول جايىندا ۇسىنىس تا بولعان جوق.
ءار مەملەكەتتىڭ ۇلتتىق ۆاليۋتا كۋرسى سول ەلدەگى اقشا-نەسيە ساياساتىنا جانە ەكونوميكالىق جاعدايعا قاراي انىقتالادى. رەسەي فەدەراتسياسى ءرۋبلىنىڭ كۋرسى سايكەسىنشە ءوزىنىڭ ەكونوميكالىق احۋالىنا جانە ورتالىق بانك تاراپىنان جۇرگىزىلەتىن اقشا ساياساتىنا قاراي وزگەرىپ وتىرادى. ءبىزدىڭ تەڭگەمىزدىڭ كۋرسى دا ءدال سولاي. وعان ەلگە كەلىپ جاتقان يمپورت پەن ەكسپورتىمىز دا اسەر ەتەدى.
ءمادينا ابىلقاسىموۆا,
قارجى نارىعىن رەتتەۋ جانە دامىتۋ اگەنتتىگىنىڭ توراعاسى
