ەلىمىز تاۋەلسىزدىك العان جىلداردان باستاپ, ەكى مەملەكەت كوشباسشىلارىنىڭ, زاڭ شىعارۋشى ورگاندارى مەن ۇكىمەتتەرىنىڭ, بيزنەس قوعامداستىقتارىنىڭ اراسىندا تابىستى, اشىق بايلانىس ورنادى. ول ءۇشىن قوس ەل ارقاشان ەكىجاقتى ءوزارا ءىس-قيمىلدى نىعايتۋ بويىنشا بارلىق مۇمكىن بولاتىن ديپلوماتيالىق, ساياسي قادامدار جاسادى جانە قابىلدادى.
سىندارلى ساياسات جانە ءوزارا ءتيىمدى ناتيجەگە ۇمتىلىس – قازاقستان مەن رەسەي ديالوگىنىڭ نەگىزگى ەرەكشەلىگى. ارامىزدا الەمدەگى ەڭ ۇزىن قۇرلىقتىق شەكارا جاتىر. دەسەك تە بارلىق دەڭگەيدە زاڭنامالىق جانە ءىس جۇزىندە ەكىجاقتى قاتىناستار بەكىدى, حالىقارالىق باستامالاردى جاريا قولداۋ قامتاماسىز ەتىلدى, ينتەگراتسيالىق ۇدەرىستەر بىرتىندەپ دامىپ كەلە جاتىر.
ءبىر جاعىنان رەسەي قازاقستاننىڭ ءىرى ساۋدا-ەكونوميكالىق سەرىكتەسى بولعاندىقتان, ەكىجاقتى تاۋار اينالىمى جىل سايىن تاريحي رەكوردتى جاڭارتىپ كەلەدى. بىلتىردىڭ وزىندە تاۋار اينالىمى 28 ميلليارد دوللاردى قۇرادى.
مۇناي-گاز سالاسىنداعى ىنتىماقتاستىق تا وتە بەلسەندى دامۋ ۇستىندە. رەسەي مۇنايىن كورشى ەلدەرگە, سونداي-اق گازدى قازاقستان اۋماعى ارقىلى ترانزيتتەۋ جونىندەگى ۋاعدالاستىقتار دا ەنەرگەتيكاداعى ءوزارا ءىس-قيمىلدى ساپالى جاڭا دەڭگەيگە كوتەردى.
اسەم راحمەتوۆا,
سەنات دەپۋتاتى
