ءانشى Dinara Satzhan ارناسىنا بەرگەن سۇحباتىندا سۇيىكتىسىنە كارانتين كەزىندە ءسوز سالىپ, ۇيلەنۋگە ۇسىنىس جاساعانىن جەتكىزدى.
“پاندەميا كەزىندە قالانىڭ جوعارعى جاعىندا تۇردىق. جارتى جىل بۇرىن عانا جاڭا پاتەرگە كوشىپ كەلدىك. جوندەۋ جۇمىستارى تولىق اياقتالدى. انام جانە ءمادي ۇشەۋىمىز ءبىر ۇيدە تۇرىپ جاتقان ەدىك. كارانتيننىڭ قاي ۋاقىتتا اياقتالاتىنىن ەشكىم بىلمەيدى. ءبىر كۇنى اناما ۇيلەنەتىنىمدى ايتتىم. بىراق بىردەن جۇزىك سىيلاپ ءسوز سالۋعا قاراجات جوق دەدىم. انام بىردەن ءتۇسىندى دە, اشەكەي بۇيىمعا تولى قوبديشاسىن الدىما اكەلىپ شاشىپ تاستادى. بۇرىن-سوڭدى قىزداردىڭ بۇيىمدارىن ۇستاپ كورمەگەنمىن. تاڭداۋ قيىن بولدى. ماعان التىن ۇنامايتىن. قوبديشادان شىققان بۇيىمنىڭ ءبارى – التىن اشەكەيلەر. كوزىمە تۇسكەنى كۇمىس جۇزىك بولدى. سونى تاڭداپ تۇرعاندا انام ك ۇلىپ, “تالعامىڭ جاقسى ەكەن, يتاليادان اكەلگەن اق التىنعا كوزىڭ ءتۇستى” دەدى, – دەپ ءانشى ەسكە الادى سول كۇندى.
ءانشى قالىڭدىعىنا قاي جەردە ءسوز سالۋ كەرەگىن ۇزاق ويلاستىرعان.
“ەندى قالاي ءسوز سالام دەپ ءۇش اپتا ويلاندىم. ءبىر جاققا شىعۋعا دا بولمايدى. كافە, مەيرامحانانىڭ ءبارى جابىق. سوسىن تاۋعا شىعىپ كەتتىك. سول جەردە ۇيلەنۋگە ۇسىنىس جاسادىم. تۋعان جەرى اتىراۋعا قۇدا ءتۇسىپ, ۇزاتىپ الىپ كەلدىك”, – دەيدى ءانشى.
وسى كەزدە اڭگىمەگە اقەركەنىڭ ءوزى ارالاستى.
“كەلىن بولعاسىن جاڭا ورتاعا بەيىمدەلۋگە تىرىساسىڭ. ەلىمىزگە تانىمال وتباسى بولسا دا قازاقى مەنتاليتەتتە ءومىر سۇرەدى. زەيىن تۋعاندا بەسىككە سالۋ ءراسىمىن جاسادىق. قازىر قالانىڭ ادامدارى بەسىككە جاتقىزبايدى. سوڭعى ايلاردا عانا بەسىكتەن شىعارۋدى ويلاپ ءجۇرمىز. ويتكەنى اۋناپ, دومالاپ ەركىن جاتسىن دەيمىز. بالا كۇتىمىمەن ۇيدە وتىرعان دەگەن اتىم بولماسا, كونتسەرت پەن كەشتەردە ونەر كورسەتەمىن. سونداي كەزدە جارتىلاي دايىندالعان ونىمدەردى جەتكىزىپ بەرەتىن كومەكشى اپكەمىز بار. ۇيدە بولعاندا تاڭعى اس پەن كەشكى استى عانا دايىندايمىن. تۇستە بارلىعىمىز جۇمىستا بولامىز. قىس كەلە جاتقاسىن سوعىم الۋ, ەت تۇزداۋ, جىلىكتەۋ سەكىلدى جۇمىستى انامىزعا تاپسىرعانبىز. سول كىسى ءبارىن رەتتەپ وتىرادى”, – دەيدى اسىل توبىنىڭ ءسوليسى.
