دەرەكتەرگە جۇگىنسەك, اۋدان ورتالىعى سارىكەمەر اۋىلىنداعى مەكتەپ-گيمنازياسىنىڭ وقۋشىلارىنىڭ بويىنداعى السىزدىك پەن لوقسۋ بەلگىلەرى جەتىنشى قاراشا كۇنى انىقتالعان. العاشقى شاعىم دا ءدال سول كۇنى ءتۇس اۋعاندا تىركەلگەن. جالپى سانى 46 ادام ءتۇن مەزگىلىنە دەيىن ءوتىنىش ءبىلدىرىپ ۇلگەرگەن.
جۇرتتى داۋرىقتىرعان ماسەلەگە قاتىستى وبلىس اكىمدىگى رەسمي حابارلاما تاراتتى. سونداي-اق ءوڭىر باسشىسى ەربول قاراشوكەەۆ نىعمەتۋللا كيىكباەۆ اتىنداعى مەكتەپ-گيمنازياسىنداعى شۋدان كەيىن اۋداندىق ورتالىق اۋرۋحاناعا ارنايى بارىپ, ءبىلىم الۋشىلار مەن ۇستازداردىڭ جاعدايىمەن تانىستى.
قازىرگى كەزدە ءوڭىر باسشىسى ەربول قاراشوكەەۆتىڭ تاپسىرماسى نەگىزىندە ارنايى كوميسسيا قۇرىلىپ, جاعدايدى تولىقتاي باقىلاۋعا الىپ وتىر. ءبىلىم الۋشىلار مەن ەرەسەكتەر شىنىندا دا اسحاناداعى استان ۋلانعان با, الدە باسقا سەبەپ بار ما؟ بۇل ماسەلە الداعى ۋاقىتتا تولىقتاي زەردەلەنبەك.
بايزاق اۋدانىنىڭ ورتالىق اۋرۋحاناسىنا جاتقىزىلعان 35 ادامنىڭ جاعدايى ورتاشا, تۇراقتى. ناۋقاستارعا بارلىق قاجەتتى مەديتسينالىق كومەكتەر كورسەتىلۋدە.
بۇل ماسەلە بويىنشا جامبىل وبلىسىنىڭ اكىمى ەربول قاراشوكەەۆتىڭ تاپسىرماسىمەن ارنايى كوميسسيا قۇرىلدى.
سارىكەمەر اۋىلىنداعى ن. كيىكباەۆ اتىنداعى مەكتەپ-گيمنازياسىنىڭ وقۋشىسىنىڭ السىزدىك, قۇسۋ بويىنشا شاعىمدانعان العاشقى ءوتىنىشى 7 قاراشا كۇنى تۇستەن كەيىن تىركەلدى.
جامبىل وبلىسى اكىمىنىڭ تاپسىرماسىنا سايكەس, رەسپۋبليكالىق مامانداردان, انەستەزيولوگتاردان, پەدياترلاردان, توكسيكولوگتاردان جانە ينفەكتسيونيستەردەن تۇراتىن كوميسسيا قۇرىلدى.
ساعات 23.00-گە دەيىن ءوتىنىش بىلدىرگەندەردىڭ جالپى سانى 46 ادامدى قۇرادى (2 مۇعالىم, 44 بالا).
46 ادامنىڭ 33-ءى اۋرۋحاناعا جاتقىزىلدى, جاعدايلارى ورتاشا, تۇراقتى. اۋرۋحاناعا جاتقىزىلعاندارعا دەتوكسيكاتسيا تەراپياسى جۇرگىزىلدى. انتيبيوتيكالىق ەمدەۋدى قاجەت ەتپەيتىن 11 ادام مەديتسينالىق كەڭەس العاننان كەيىن امبۋلاتوريالىق ەمدەۋ جانە ۇيدەن باقىلاۋ ءۇشىن قايتارىلدى.
جالپى پراكتيكا دارىگەرلەرىنەن, پەدياتردان, ۋچاسكەلىك مەدبيكەدەن تۇراتىن 16 ءموبيلدى توپ 205 اۋلانى ارالاپ, وسى كۇنى وقۋ ورنىنىڭ اسحاناسىنا كەلگەن قالعان وقۋشىلاردى تەكسەرۋدەن وتكىزدى.
تەكسەرۋ قورىتىندىسى بويىنشا ولاردىڭ جاعدايى قاناعاتتانارلىق جاعدايدا, شاعىمدار مەن اۋرۋ بەلگىلەرى جوق.
ن.كيىكباەۆ اتىنداعى مەكتەپ-گيمنازياسىن تاماقپەن قامتۋعا جاۋاپتى جك «توقسەيىتوۆتىڭ» جۇمىسى ءمان-جايلار ناقتىلانعانعا دەيىن توقتاتىلدى. مەكتەپ وقشاۋلانعان, باكتەريولوگيالىق زەرتتەۋ شارالارى جۇرگىزىلىپ جاتىر», دەلىنگەن وبلىس اكىمدىگى تاراتقان رەسمي حابارلامادا.
اۋداندىق ورتالىق اۋرۋحانانىڭ باس دارىگەرى جاندوس رىسقۇلوۆتىڭ ايتۋىنشا, بويىن السىزدىك بيلەگەن ازاماتتار اۋەلدە ءبىر-بىردەن ات باسىن بۇرعان. كەيىننەن اۋرۋحاناعا قايىرىلۋشىلاردىڭ قاتارى كۇرت كوبەيگەن. قازىرگى كەزدە شاعىمدانعانداردىڭ جاعدايى تۇراقتى. جۇرەك اينۋ, لوقسۋ, دەنە قىزۋىنىڭ كوتەرىلۋى سەكىلدى بەلگىلەر جوق. سونداي-اق تۇنگى ۇشكە دەيىن جۇزدەگەن بالا قارالىپتى. ولاردىڭ دا جاعدايى تۇراقتى. الاڭداۋعا نەگىز جوق.
كيىكباەۆ اتىنداعى مەكتەپ-گيمنازياسى قازىرگى كەزدە ۋاقىتشا جابىلدى. دەرەكتەرگە جۇگىنسەك, ءبىلىم ورداسىن اسپەن قامتاماسىز ەتۋ قىزمەتىمەن اينالىسقان «توقسەيىتوۆ» اتاۋىمەن تىركەلگەن جەكە كاسىپكەر اۋدان بويىنشا 13 مەكەمەگە ازىق-ت ۇلىك تاسىمالدايتىن كورىنەدى.
بالالار مەن ۇستازدار راسىمەن دە اسحاناداعى استان ۋلاندى ما؟ كىنا كاسىپكەر تاراپىنان كەتتى مە, الدە اسپاز اعاتتىق جىبەرىپ الدى ما؟ بالكىم باسقا دا ءبىر جاعداي ورىن العان بولار... ازىرگە ناقتىسىن تاپ باسىپ ايتۋ قيىن. ەڭ باستىسى وسى وقيعا بويىنشا تەكسەرۋ جۇمىستارى باستالىپ كەتتى. ناتيجەسى از كۇندە بەلگىلى بولماق.
جامبىل وبلىسى
بايزاق اۋدانى
