ۇلىتاۋ وبلىسى مادەنيەت, تىلدەردى دامىتۋ جانە ارحيۆ ءىسى باسقارماسى مەن «قازاقتىڭ كەتبۇقاسى» قوعامدىق بىرلەستىگى ۇيىم- داستىرعان كۇيشىلەر سا-يىسىنا الماتى, اقتوبە, قىزىلوردا وبلىستارىنان, استانا قالاسى مەن قىتاي حالىق رەسپۋبليكاسىنان 19 كۇيشى قاتىستى.
ەكى كۇنگە سوزىلعان بايقاۋدىڭ 500 مىڭ تەڭگەلىك باس جۇلدەسى استانالىق بەكزادا دوستياروۆاعا بۇيىردى. الماتىلىق ءىلياس تۇرسىنبەك پەن استانالىق ماعۇرلان الكەن ءبىرىنشى ورىندى يەلەندى. ەكىنشى ورىن ءۇش كۇيشىگە بەرىلدى. ولار – استانالىق عازيزا عاريفۋللاقىزى, الماتىلىق سىرىم شونباەۆ جانە قىتاي حالىق رەسپۋبليكاسى, شىڭجاڭ ولكەسىنەن كەلگەن كەنجەبەك دولدا ۇلى. شىڭجاڭ ولكەسى, ىلە قازاق اۆتونوميالى وبلىسىنان كەلگەن تاعى ءبىر قانداسىمىز ەدىل تويلان ۇلى, ۇلىتاۋلىق دينارا سايدالينا, استانالىق باۋىرجان سەيدالى جانە تەمىرحان بيبىتپەن بىرگە ءۇشىنشى ورىندى ءبولىستى.
بايقاۋعا قاتىسۋشىلاردىڭ ەشقايسىسى سىي-سياپاتسىز قايتقان جوق.
داۋلەسكەر كۇيشى سەكەن تۇرىسبەكوۆ:
– ەسىمى ەلگە اڭىز بولىپ جەتكەن كەتبۇقا بابامىزدىڭ سوڭىندا قالعان مۇراسىن حالىق اراسىندا كەڭىنەن ناسيحاتتاۋدا وسىنداي بايقاۋلاردىڭ كەرەكتىگى انىق. وسىمەن, ەكىنشى مارتە كۇيشىلەردىڭ «اقساق قۇلان» اتاۋىمەن كەتبۇقا بي اتىنداعى حالىقارالىق بايقاۋىن ۇيىمداستىرا بىلگەن ازاماتتاردىڭ ءىسى وڭعا باسا بەرسىن, – دەگەن تىلەگىن جەتكىزدى.
ۇلىتاۋ وبلىسى
