فوتو: aikyn.kz
بيۋرونىڭ رەسمي سايتىنداعى ۇلتتىق ساناقتار بولىمىندە جاريالانعان قازاقستان رەسپۋبليكاسى حالقىنىڭ ۇلتتىق قۇرامى, ءدىنى جانە تىلدەردى مەڭگەرۋى بويىنشا ەكىنشى تاقىرىپتىق جيناقتا قۇندى دەرەكتەر بەرىلگەن. قازاقستاندا قازاق حالقىنىڭ ءوسۋ قارقىنى 2009-2021 جىلدار ارالىعىندا 33,7%-عا كوبەيگەن. ەلىمىزدە 2009 جىلعى ساناق قورىتىندىسىندا 1 جاسقا دەيىنگى ۇلتى قازاق بالالارىنىڭ سانى 254 420 بولسا, 2021 جىلى 349 837-گە جەتكەن. 2009 جىلعى حالىق ساناعىندا 1-4 جاس ارالىعىندا بالا سانى 827 670 بولعان, 2021 جىلعى كورسەتكىش – 1 241 160 بالا. 12 جىلدىڭ ىشىندە 5-9 جاس اراسىنداعى جەتكىنشەكتەردىڭ دە قاتارى كوبەيگەن. 2009 جىلى وتكىزىلگەن حالىق ساناعىندا ەل تۇرعىندارىنىڭ ىشىندەگى 5 پەن 9 جاس ارالىعىنداعى بالالاردىڭ سانى 816 641 دەپ كورسەتىلگەن. 2021 جىلى بۇل جاس ارالىعىنداعىلاردىڭ قاتارى ارتىپ 1 506 964 ادامعا جەتتى. 10-14 جاس ارالىعىنداعى جاسوسپىرىمدەردە دە ءوسۋ ديناميكاسى بايقالادى. 2009 جىلعا دەيىن وسى جاس ارالىعىنداعى بالالاردىڭ سانى 877 614-كە جەتسە, 2021 جىلعى ساناقتا 1 399 146 ادامعا ارتتى. تەك 15-19 جاس ارالىعىنداعى ءجاسوسپىرىم, جاستاردىڭ عانا كورسەتكىشى تومەندەگەن. 2009 جىلى 19 جاستان اسقاقاندار مەن 19 جاسقا دەيىنگى جاستاردىڭ قاتارى 1 100 323 ادامعا جەتسە, 2021 جىلى 958 340-قا تومەندەگەن.
