جولدىڭ كەڭەيگەنى – مۇمكىندىك كوبەيگەنى

وبلىستىڭ الەۋمەتتىك-ەكونو­مي­كالىق دامۋىندا بۇل سالانىڭ ورنى ەرەكشە. وسى جىلى جول ينفرا­قۇ­رى­لى­مىن دامىتۋعا رەسپۋبليكالىق جانە وبلىستىق بيۋدجەتتەن بارلىعى 35 882 ملن تەڭگە ءبولىنىپ 569 شاقىرىم اۆتوموبيل جولى, كوشەلەر جانە كوپىر وتكەلدەرى جوندەۋدەن وتكىزىلىپ جاتىر. بۇل باعىتتا, اسىرەسە «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى مەن «جالپى سيپاتتاعى ترانس­فەرت­­تەر» باعدارلاماسىنىڭ بەرەرى مول.

وبلىستىق جولاۋشىلار كولىگى جانە اۆتوموبيل جولدارى باس­قار­ما­سى­نىڭ دەرەگىنشە, قىزىلوردا قالا­سى­نان 2 كوشە مەن 2 كوپىردى جون­دەۋگە «وڭىرلەردى دامىتۋ» باعدار­لا­ماسى بويىنشا 4 695,4 ملن تەڭگە بولىنگەن. «كىشى قالالاردى دامىتۋ» باع­دارلاماسى شەڭبەرىندە 3 099,7 ملن تەڭگەگە 13 شاقىرىمدىق 9 كوشە جون­دەلىپ جاتىر. «اۋىل – ەل بەسىگى» باع­دارلاماسى بويىنشا وبلىس ورتا­لىعى مەن اۋداندارعا 5 454,9 ملن تەڭگە قارجى قاراستىرىلعان. وسى­لاي­شا, بيىل وبلىس اۋماعىنداعى 3 418,5 شاقىرىم جولدىڭ ءبىراز بولىگى جاڭا­را­دى.

جول ساپاسى تۋرالى ءسوز بولعاندا وبلىس اۋماعىنان 810 شاقىرىمى وتە­تىن «باتىس ەۋروپا – باتىس قىتاي» حا­لىقارالىق ءاۆتودالىزىنىڭ قى­زىلوردا مەن اقتوبە ارالىعىنداعى جاع­­دا­يىن ايتپاي كەتە المايمىز. جار­تى الەمدى جالعاستىرعان كۇرەجول­دىڭ تۇركىستان مەن قىزىلوردانى بايلانىستىراتىن 244 شاقىرىمى ءتورت, ال اقتوبە وبلىسىنا دەيىنگى II سا­ناتتاعى 566 شاقىرىم 2 جولاقتى بولىپ سالىنعان. وبلىستىق جولاۋشىلار كولىگى جانە اۆتوموبيل جولدارى باسقارماسى ماماندارى كۇرەجولدى جوبالاۋ بارىسىندا قىزىلوردا مەن اقتوبە وبلىستارى اراسىنداعى كولىك قارقىندىلىعى تومەن دەپ ەسەپ­تەل­گە­نىن ايتادى. بىراق وسى كۇنى بۇل باعىتتاعى جۇك كولىكتەرىنىڭ قار­قىن­­دىلىعى جىل سايىن ورتاشا ەسەپپەن 10 پايىزعا ارتىپ وتىر. بۇل ەكى ارالىقتا تاۋلىگىنە ورتا ەسەپپەن 10 مىڭ اۆتوكولىك قاتىنايدى دەگەن ءسوز. وسىعان بايلانىستى ۋچاسكەنى ءىى ساناتتان ءى ساناتقا اۋىستىرۋ قاجەتتىگى جونىندەگى وبلىس اكىمدىگى تاراپىنان ءتيىستى ورگاندارعا ۇسىنىس تا بەرىلىپ كەلدى.

جول-كولىك قيعالارى دا كۇرەجول­دىڭ وسى بولىگىندە كوپ بولادى. وب­لىستىق پوليتسيا دەپارتامەنتىنىڭ مالىمەتىنشە, كۇرەجولدا 2017-2022 جىلدار ارالىعىندا 402 جول-كولىك وقيعاسى تىركەلىپتى. وسىنىڭ 159-ى قىزىلوردا تۇركىستان ارالىعىندا, 243 وقيعا «قىزىلوردا – اقتوبە» با­عىتىندا بولعان. وسى جىلدار ارا­لىعىندا اپاتتان 228 ادام باقي­لىق بولىپ, 549 جولاۋشى جاراقات العان. وسى بەس جىلدا جول اپاتىنان «تۇركىستان – قىزىلوردا» باعى­تىن­دا 66, ال اقتوبەگە دەيىنگى ارا­لىقتا 162 ادام قايتىس بولعان. «تۇركىستان – قىزىلوردا» ارالىعىمەن سا­لىس­تىر­عان­دا قارسى باعىتقا شىعىپ كەتۋ­دەن بولعان اپاتتار اقتوبە باعى­تىن­دا 5 ەسەگە كوپ جاسالعانى كورىنەدى, ودان قايتىس بولعاندار 7, جاراقات العاندار 4 ەسەگە ۇلعايعان.

مەملەكەت باسشىسى قاسىم-جومارت توقاەۆتىڭ وبلىسقا جاساعان سا­پارىندا بۇل ماسەلە تولىق شەشىمىن تاپتى. پرەزيدەنت كۇرەجولدىڭ قىزىلوردا قالاسىنان اقتوبە وب­لى­سىنىڭ شەكاراسىنا دەيىنگى ارا­لىعىنداعى 566 شاقىرىمدى 4 جو­لاقتى جولعا اۋىستىرۋ جونىندەگى جەر­گىلىكتى بيلىك باستاماسىن قول­داپ, ونى كەڭەيتۋدى تەزىرەك باستاۋ قاجەتتىگىنە نازار اۋداردى. ۇكى­مەت باسشىسىنىڭ ءبىرىنشى ورىنبا­سا­رى رومان سكليارعا وبلىس حالقىن تولعاندىرعان ماسەلەنى باقىلاۋعا الۋدى تاپسىردى. بۇل جۇمىستىڭ جوبا­لىق-سمەتالىق قۇجاتتامالارىن ازىرلەۋ كەلەسى جىلدان باستالاتىن بولدى. ونىڭ بولجامدى قۇنى دا بەلگىلى – شامامەن 1,1 ترلن تەڭگە.

ەلىمىزدىڭ وڭتۇستىك ايماقتارىن ورتالىقپەن بايلانىستىرىپ تۇرعان ۇلى سوراپ – «قىزىلوردا – جەزقازعان» جولىنىڭ جاعدايى دا از جازىلعان جوق. رەسپۋبليكالىق ماڭىزى بار تراسسا دەگەن اتى بولماسا سالىنعالى بەرى جوندەۋ كورمەگەن جولدىڭ كەيبىر ۇزىك­تەرىندە ەرتەدە توسەلگەن اسفالت­تىڭ جۇقاناسى عانا قالعان ەدى. مەم­لەكەت باسشىسىنىڭ قولداۋىمەن بىلتىر جازدا بۇل جولدى دا جاڭعىرتۋ جۇمىستارى باستالىپ كەتتى.

ۇزىندىعى 424 شاقىرىمدىق جول­دىڭ جارتىسى قىزىلوردا وبلىسى اۋماعىندا جاتىر. جالپى قۇنى 108, 5 ملرد تەڭگە بولاتىن جوبا 6 لوت بو­يىنشا جۇزەگە اسادى. وسى كۇنى قۇ­رىلىس جۇمىستارى 30 پايىزعا اياق­تا­لىپ, 57 شاقىرىمعا اسفالت تو­سەلدى. جىل سوڭىنا دەيىن 104 شا­قىرىم جولدى اياقتاۋ كوزدەلىپ وتىر. ماماندار قازىر تاۋلىگىنە 1 500 كولىك جۇرەتىن جول تولىق جون­دەل­گەندە بارىس-كەلىس كەمى 4 ەسەگە ارتاتىنىن ايتادى. جولاۋ­شى­لار سانى 3 مىڭ ادامنان 17 مىڭعا دەيىن, جۇك تاسىمالى اۋقىمى 700 توننادان 3 مىڭ تونناعا دەيىن ۇلعايادى.

ايماقتاعى جول-كولىك ينفرا­قۇ­رى­لىمىن جاقسارتۋدىڭ بۇل باستاماسى كورشىلەس وبلىستاردىڭ دە ەل ورتا­لىعىنا بارىس-كەلىسىن جەڭىلدەتىپ, الەۋ­مەتتىك-ەكونوميكالىق دامۋىنا سەپ بولادى.

قىزىلوردا