كورەرمەن كوزايىمىنا اينالعان 50 جىل

باتىس قازاقستانداعى كوش­باسشى تەلەارنا – “قازاقستان” تەلەراديو  كورپوراتسياسىنىڭ اقتوبە وبلىستىق فيليالى  ءوزىنىڭ 50 جىلدىق مەرەي­تو­يىن اۋدان­دارداعى كۇندەرىن ءوت­كى­زۋمەن اتاپ ءوتۋدى شەشكەن-ءدى. اۋ­دان­دىق اكىمدىك پەن “قازاقستان-اق­توبە” تەلەارناسى بىرىگىپ ۇيىمد­اس­تىرعان “50 جىل سىزدەرمەن ءبىر­گەمىز” اتتى مەرەكەلىك  شارا  ويىل ءوڭى­رىنەن باستاۋ الدى. اۋدان اكىمى مۇح­تار جۇماعازيەۆ “قازاقستان-اقتوبە” تەلەارناسىنىڭ ۇجىمىن مەرەي­توي­لارىمەن قۇتتىقتادى, شى­عار­ما­شىلىق تابىس تىلەدى.ول “شا­م­شى­راق-اقتوبە” جشس ديرەكتورى, بەل­گىلى اقىن مەيىرحان اقداۋ­لەت ۇلىن “ساباقتى ينە ساتىمەن” دەگەندەي, 60 جاسقا تولۋىمەن قۇتتىقتاپ, يىعىنا شاپان جاپتى. اۋداندىق مادەنيەت ۇيىندە كورەرمەندەرمەن كەزدەسۋ وتكىزىلىپ, وندا وبلىستىق تەلەديداردىڭ قالىپتاسۋى مەن بۇگىنگى ىزدەنىستەرى تۋرالى بەينەفيلم كور­سەتىلدى. قازىر “قازاقستان-اقتوبە” تەلە­ارناسى – وزىندىك قولتاڭباسى قالىپتاسقان ۇلكەن شىعار­ما­شىلىق ۇجىم. ونىڭ تىزگىنىن ىسكەر باسشى  راۋكەن وتىن­شين  ۇستا­عالى بەرى جاڭاشا جۇمىس ىستەۋدىڭ, شىعارماشىلىق ىزدە­نىستىڭ كوك­جيەگى كەڭەيىپ, بۇرىنعىدان گورى دە بيىكتەن كورىنە باستادى. بۇدان ەكى جىل بۇرىن “قازاقستان” تەلە­ۆي­زيا­سىنىڭ 50 جىلدىعىن مەرەكەلەۋ كەزىندە “التىن ميكروفونعا” يە  بول­عان ۇجىمنىڭ “ساپار”, “انا ءتىلىم – بابا ءتىلىم”, “اقتوبەم – ال­تىن بەسىگىم”, ء“بىز ايتپاساق, كىم اي­تادى” جانە باسقا حابارلارى كورەر­مەن­دەر كوزايىمىنا اي­نالدى. بۇرىن وبلىستىڭ ەلدى مەكەندەرىنە ءتاۋ­لىگىنە ءبىر ساعات  حابار تارا­تى­لا­تىن بولسا, الداعى ۋاقىتتا وبلىس­تىڭ 112 ەلدى مەكەنىنە, ياعني وبلىس اۋماعىنىڭ 98 پايىزىنا تارا­تى­لاتىن حا­بارلار  ۋاقىتىن 14 ساعاتقا دەيىن ارتتىرۋ جۇمىستارى جۇزەگە اسىرىلۋدا. “قازاقستان” تەلەراديو كور­پورا­تسياسى اقتوبە وبلىستىق فيليا­لى­نىڭ  ديرەكتورى راۋكەن وتىنشين وبلىس اكىمى ەلەۋسىن ساعىندىقوۆقا وسى ماسەلەنى شەشۋدە قارجىلاي قول­داۋ كور­سەتكەنى ءۇشىن ريزا­شى­لىعىن ءبىلدىردى. قازىر وبلىستىق تەلە­ار­نادا وسى زامانعى جارىقتاندىرۋ قون­دىرعىلارىمەن جاقسى جاب­دىق­تالعان 6 ستۋديا بار. مۇندا سونداي-اق, سوڭعى جىلدارى جىلجىمالى تەلە­ۆيزيالىق ستانسا ساتىپ الىنعان. ول وبلىستىڭ كەز كەلگەن جەرىنەن ءتى­كەلەي حابار بەرۋگە مۇمكىندىك بەرەدى. وبلىستىق تەلەارنانىڭ ويىل اۋدانىنداعى كۇندەرى اياسىندا كەزىندە اقتوبە وبلىستىق تەلە­ارناسىنىڭ قازاق رەداكتسياسىنىڭ باس رەداكتورى بولعان ويىلدىق جۋرناليست جانداي تاۋكەباەۆ اتىنداعى جۇلدەنىڭ جەڭىم­پازدارى بەلگىلى جۋرناليست يدوش اسقار, “ويىل” گازەتىنىڭ رە­داكتورى سەرىكباي قويباعاروۆ ماراپات­تالدى. تەلەارنا باسشىسى راۋكەن وتىنشين مەرەكەلىك شاراعا قاتىسىپ وتىرعان جانداي تاۋكە­باەۆتىڭ جارى گۇلجان تاۋكە­باەۆاعا سىي-سياپات جاسادى. مەرەكەلىك شارا ەلىمىزگە بەلگىلى انشىلەر قانات جانە سۆەتا ايتباە­ۆتار باستاعان ءبىر توپ ونەر شەبەر­لەرىنىڭ اسەم اندەرىمەن ادىپتەلدى. ويىل اۋدانىنىڭ اكىمى مۇحتار جۇماعازيەۆ وزدەرىندەگى “التىن ميكروفوندى” قوبدا اۋدانىنىڭ اكىمى ليۋبوۆ يسما­عامبەتوۆاعا سالتاناتتى جاعدايدا تاپسىردى. ول ەستافەتانى قابىل­داپ تۇرىپ, وبلىستىق تەلە­ار­نانىڭ 50 جىلدىعى بۇل وڭىردە دە كورەرمەنمەن بايلانىستى نىعايتۋ باعىتىندا وتكىزىلەتىنىنە سەندىردى. ءسويتىپ, بيلەر ءسوز الىپ, باتىرلار تۋ ۇستاعان ويىل وڭىرىندە وتكەن وبلىس­تىق تەلەارنانىڭ كۇنى تاعىلىمى مول ءما­دەني شارا رەتىندە كوپ­شىلىكتىڭ كوڭى­لىنەن شىقتى. ساتىبالدى ءساۋىرباي, اقتوبە وبلىسى.