ءوتىنىم قابىلداۋ «تەاتر ونەرى», «مۋزىكالىق-ورىنداۋشىلىق ونەر», «حورەوگرافيالىق ونەر», «بەينەلەۋ جانە ساندىك-قولدانبالى ونەر» ءتارىزدى ءتورت نەگىزگى اتالىم بويىنشا وتەدى. «تەاتر ونەرى» اتالىمى بويىنشا سەگىز جۇلدە بەلگىلەنگەن: «وپەرا ونەرى» (وپەراداعى ەرلەر جانە ايەلدەر پارتياسىن ۇزدىك ورىنداۋ), «اكتەرلىك شەبەرلىك» (درامالىق نەمەسە مۋزىكالىق-درامالىق سپەكتاكلدەگى: وپەرەتتا, ميۋزيكل, روك-وپەرا, مۋزىكالىق كومەدياداعى ۇزدىك ەر ادام جانە ۇزدىك ايەل ادام ءرولى), «ۇزدىك رەجيسسۋرا» (مۋزىكالىق-درامالىق نەمەسە درامالىق سپەكتاكلدەگى رەجيسسەرلىك جۇمىس), «سپەكتاكلدىڭ ۇزدىك كوركەمدىك بەزەندىرىلۋى» (كوستيۋمدەر جانە/نەمەسە دەكوراتسيالار), «ۇزدىك مۋزىكالىق-درامالىق سپەكتاكل» (وپەرا, درامالىق/مۋزىكالىق-درامالىق (وپەرەتتا / ميۋزيكل / روك-وپەرا / مۋزىكالىق كومەديا), «ۇزدىك درامالىق سپەكتاكل / مۋزىكالىق كومەديا». ال «حورەوگرافيالىق ونەر» اتالىمى بويىنشا التى جۇلدە بەلگىلەنگەن: «ۇزدىك بي ۇجىمى» (حالىقتىق, زاماناۋي نەمەسە ەسترادالىق بي ءانسامبلى), «ۇزدىك زاماناۋي حورەوگرافيا سپەكتاكلى», «بالەتتەگى ۇزدىك ورىنداۋشى» (بالەت ءسوليسى /ەر/ ايەل), «ۇزدىك حورەوگراف», «ۇزدىك كلاسسيكالىق بالەت سپەكتاكلى». تاعى ءتورت جۇلدەنى جەڭىمپازدار «مۋزىكالىق-ورىنداۋشىلىق ونەر» اتالىمى بويىنشا الادى: «ۇزدىك ءداستۇرلى ورىنداۋشى ء(ان ايتۋ)», «ۇزدىك ءداستۇرلى ورىنداۋشى (اسپاپشى)», «ۇزدىك مۋزىكالىق انسامبل» (كلاسسيكالىق), «ۇزدىك مۋزىكالىق انسامبل» (حالىقتىق). «بەينەلەۋ جانە ساندىك-قولدانبالى ونەر» اتالىمى بويىنشا جۇلدە «ۇزدىك ساندىك-قولدانبالى ونەر شەبەرىنە» مىناداي ساناتتار بەرىلەدى: قولونەر شەبەرى (زەرگەرلىك ونەر, مەتالل وڭدەۋ, ەكسپەريمەنتتىك/ارالاس تەحنيكالار), قولونەر شەبەرى (اعاش وڭدەۋ, كوركەم ويۋ, كەراميكا), قولونەر شەبەرى (كيىز, تەكستيل, توقىماشىلىق, بىلعارى). «ۇزدىك بەينەلەۋ ونەرىنىڭ تۋىندىسى» ءۇشىن تاعى ءتورت سىيلىق تاعايىندالادى, اتاپ ايتقاندا, «ۇزدىك كەسكىندەمە شەبەرى», «ۇزدىك زاماناۋي ونەر سۋرەتشىسى (پەرفورمانستار, ينستاللياتسيالار, ارت-نىساندار), «ۇزدىك گرافيكا شەبەرى» جانە «ۇزدىك ءمۇسىن شەبەرى». بيىل «ۇزدىك بالالار سپەكتاكلى» (ەكى سىيلىق) ارنايى جۇلدەلەرمەن اتاپ وتىلەدى, سونداي-اق تاۋەلسىز ساراپتاۋ كوميسسياسىنىڭ مۇشەلەرى فيناليستەردىڭ اراسىنان ساحنالىق ونەر سالاسىندا «جىل جاڭالىعىن تاڭدايدى. شىعارماشىلىقتا جاڭاشىل بەتبۇرىس جاساعان جانە ەلىمىزدە, سونداي-اق شەتەلدە تەاتر سالاسىنداعى وزدەرىنىڭ جارقىن بىرەگەي جەتىستىكتەرى ارقىلى تانىمال بولعان, جاسى 40-تان اسپاعان ساحنا ونەرىنىڭ شەبەرلەرى «جىل جاڭالىعى» جۇلدەسىنە ۇمىتكەر بولا الادى. ۇجىمدار مەن ورىنداۋشىلار 2021 جىلدىڭ قىركۇيەگىنەن باستاپ 2023 جىلدىڭ شىلدەسىنە دەيىنگى تەاتر (كونتسەرتتىك) ماۋسىمىندا اتقارعان جۇمىستارى ءۇشىن Umai-2023 سىيلىعىنىڭ يەگەرلەرى اتانادى. جەكەلەگەن ونەر قايراتكەرلەرى (وپەرا سوليستەرى, دراما اكتەرلەرى, رەجيسسەرلەر, سۋرەتشى ستسەنوگرافتار, كوستيۋمدەر بويىنشا سۋرەتشىلەر, بالەت سوليستەرى, حورەوگرافتار, مۋزىكالىق ورىنداۋشىلار) ەكى جىلدان اسپايتىن مەرزىمدە, ياعني 2021 جىلدان 2023 جىلعا دەيىن ورىنداعان رولدەرى/پارتيالارى/شىعارماشىلىق جۇمىستارى/مۋزىكالىق باعدارلامالارى ءۇشىن بايگەگە تۇسەدى. سۋرەتشىلەر مەن ساندىك-قولدانبالى ونەر شەبەرلەرى دە 2021 جىلدان ەرتە ەمەس كەزەڭدە جاسالعان جۇمىستارى ءۇشىن ۇمىتكەر بولا الادى. وتىنىمدەردى قابىلداۋ 2023 جىلدىڭ 5 جەلتوقسانىندا اياقتالادى.
