اتالعان جاڭاشىلدىق ازاماتتارعا قۇجاتتىڭ جارامدىلىق مەرزىمى تۋرالى 30 كۇن بۇرىن ەسكەرتۋگە مۇمكىندىك بەرەدى. جىبەرىلگەن push-حابارلامالار eGov mobile قوسىمشاسىنىڭ «حابارلامالار» بولىمىندە قولجەتىمدى. ەگەر ءموبيلدى قوسىمشا ورناتىلماعان بولسا, پايدالانۋشىعا قوسىمشانى جۇكتەۋگە ارنالعان سىلتەمەسى بار 1414 نومىرىنەن جاڭا حابارلاما كەلگەنى تۋرالى SMS جىبەرىلەدى.
– پرەزيدەنتتىڭ «كورىنبەيتىن مەملەكەت» تۇجىرىمداماسى اياسىندا ازاماتتارعا قاجەتتى قىزمەتتەردى كورسەتۋدى جانە بۇلار تۋرالى الدىن الا حاباردار ەتۋدى جالعاستىرىپ جاتىرمىز. Push-حابارلامالار ازاماتتارعا ىڭعايلى, سەبەبى حابارلامالار ءبىر اي بۇرىن جىبەرىلەدى. تيىسىنشە, جاڭا قۇجاتتى قايتا رەسىمدەۋگە ۋاقىتى بولادى. وسىلايشا, ءبىز كولىك يەلەرىنە كوپتەگەن قاۋىپتىڭ الدىن الۋعا كومەكتەسەمىز. بۇگىندە eGov mobile ءارتۇرلى ومىرلىك جاعدايلارعا ارنالعان push-حابارلاندىرۋلاردىڭ 15 ءتۇرىن ۇسىنادى. ۋاقىت وتە بۇل سان دا كوبەيدى, – دەيدى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين.
سونداي-اق eGov ءموبيلدى قوسىمشاسىندا تاعى ءبىر تسيفرلىق قۇجات – «دياگنوستيكالىق تەحنيكالىق بايقاۋ كارتاسى» قولجەتىمدى. جاڭا قۇجاتتا تەحنيكالىق جاي-كۇي پارامەترلەرىنىڭ تىزبەسى مەن مىندەتتى تەحنيكالىق بايقاۋدىڭ ناتيجەلەرى كورسەتىلگەن كولىك قۇرالى مەن ونىڭ تىركەمەلەرىنىڭ يەسى تۋرالى مالىمەتتەر بار. قۇجاتتىڭ مەرزىمى ءوتىپ كەتسە, ول تسيفرلىق قۇجاتتاردا كورسەتىلمەيدى. كولىك يەلەرى ەلەكتروندى قۇجاتتى قاعاز قۇجاتپەن قاتار ۇسىنا الادى. تسيفرلىق قۇجاتتى eGov mobile قوسىمشاسىنىڭ باستى بەتىندەگى «تسيفرلىق قۇجاتتار» بولىمىندە تابۋعا بولادى. قۇجات يەسى وعان QR كود ارقىلى قول جەتكىزە الادى. بۇل قۇجاتتى سۇراعان تاراپقا ونىڭ تۇپنۇسقالىعىن تەكسەرۋگە كومەكتەسەدى.
تسيفرلىق قۇجات – تۇپنۇسقا قۇجاتتىڭ بالاماسى. قازىرگى ۋاقىتتا «تسيفرلىق قۇجاتتار» سەرۆيسىندە 29 قۇجات بار. ونىڭ ىشىندە جەكە كۋالىك, جۇرگىزۋشى كۋالىگى, قازاقستان ازاماتىنىڭ تولقۇجاتى جانە باسقا دا قۇجاتتار قولجەتىمدى. جاڭارتۋلار يندۋستريا جانە ينفراقۇرىلىمدىق دامۋ مينيسترلىگىنىڭ, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەملەكەتتىك كورسەتىلەتىن قىزمەتتەر كوميتەتىنىڭ جانە «ۇلتتىق اقپاراتتىق تەحنولوگيالار» اق بىرلەسكەن جۇمىسى كەزىندە ىسكە اسىرىلعانىن ەسكە سالا كەتەيىك.
