يسلام ءدىنى ءاۋ باستان ءوز ۇستانۋشىلارىن باسقا ءدىن وكىلدەرىمەن ءوزارا دوستىقتا ءومىر سۇرۋگە شاقىرادى. ويتكەنى مۇنى بىزگە قاسيەتتى قۇران مىندەتتەيدى. دىنارالىق ۇنقاتىسۋدى ارتتىرۋ – جىل سايىن ەمەس, ءتىپتى ساعات سايىن تالقىلانۋعا ءتيىس تاقىرىپ. قازىرگى كۇنى مۇنىڭ ماڭىزى اسا زور. ويتكەنى بۇگىندە الەم قارۋ جانە كۇشتىڭ قولدانىلۋىمەن جاسالىپ جاتقان اۋىرتپاشىلىقتاردى باستان كەشىپ وتىر. بۇكىل دۇنيە دانالىقتىڭ داۋىسىنا مۇقتاج. سول ارقىلى الەم ءوزىنىڭ تابيعي قالپىنا, اقيقات جولىنا كەلەدى. بۇل داۋىس قۇدايدىڭ ءسوزى جانە قاعيدالارى ارقىلى كەلەدى. ول زورلىق-زومبىلىق كورگەندەر ءۇشىن ەڭ ادىلەتتى داۋىس بولادى.
ءاربىر حالىق ءوزىنىڭ مادەنيەتى مەن الەۋمەتتىك, ساياسي جانە قۇندىلىقتار جۇيەلەرىن ۇستانۋعا ءارى دامىتۋعا قۇقىلى. ال وزگە مادەنيەتتەرمەن تۇراقتى ارالاسىپ وتىرۋ – ءوز مادەنيەتىن دامىتاتىن مۇمكىندىك. سول ارقىلى ءار حالىقتىڭ رۋحاني قۇندىلىقتارى جاڭارادى, ءوزارا دوستىق قارىم-قاتىناس قالىپتاسادى.
بىزدە بارلىق ءدىندى قوسىپ ءبىر ءدىن جاساۋ دەگەن نيەت جوق. ماقساتىمىز – ءدىن كوشباسشىلارىنىڭ باسىن قوسۋ. ويتكەنى ءبىز ءارتۇرلى سەنىمدە بولساق تا, ورتاق قۇندىلىقتارىمىز بەن ۇستانىمدارىمىز كوپ. ارقايسىمىزدىڭ بويىمىزدان قاراما-قايشىلىقتاردى ەمەس, ۇقساستىقتاردى تابا بىلسەك, بۇل ءوزارا ءتىل تابىسۋعا سەپتىگىن تيگىزەرى ءسوزسىز.
نازير مۇحاممەد
ءال-نازير اياد,
ءال-ازحار يسلامتانۋ اكادەمياسىنىڭ باس حاتشىسى
