قورىق ديرەكتورى حاميت قانيەۆتىڭ ايتۋىنشا, ساۋد ارابياسىنىڭ استاناسىندا وتكەن يۋنەسكو-نىڭ بۇكىلالەمدىك مۇرا كوميتەتىنىڭ 45-كەڭەيتىلگەن سەسسياسىندا بەرىلگەن بۇل مارتەبە قايتالانباس تابيعي كەشەندەردىڭ بىرتۇتاستىعى مەن قاۋىپسىزدىگىن ساقتاۋعا قوسىمشا كەپىل بولادى.
ساراپشى عالىمدار اۋا تەمپەراتۋراسىنىڭ اسا جوعارى جانە تومەن ايىرماشىلىقتارى بايقالاتىن ءشولدى اۋماقتاعى ەكوجۇيەلەردىڭ ەۆوليۋتسياسى مەن كۇردەلى كليماتتىق جاعدايلارعا بەيىمدەلۋىنە باسا نازار اۋدارعان. قورىق اۋماعىنداعى كەپكەن تەڭىز ۇلتانىن جانە وعان جاقىن ورنالاسقان جەرلەردى كوگالداندىرۋدىڭ قامى مەن قۇلان, قاراقۇيرىق, اقبوكەن سياقتى سيرەك كەزدەسەتىن جانۋارلار تۇرلەرىن جاڭا جاعدايعا بەيىمدەۋ باعىتىنداعى باستامالار دا ەسكەرۋسىز قالماعان.
مەملەكەتتىك تابيعي قورىق وسىدان 7 جىل بۇرىن يۋنەسكو-نىڭ بيوسفەرالىق رەزەرۆاتتارىنىڭ الەمدىك جۇيەسىنە ەنگەن ەدى. ال 2020 جىلى «ەلىم-اي» سىيلىعىنىڭ «ەڭ ۇزدىك قورىق» اتالىمى تابىستالدى.
قىزىلوردا
