پالاتانىڭ الداعى وتىرىسىندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ ۇلتتىق قورىنان بالالارعا ارنالعان قاراجاتتى ەسەپتەۋ, تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قارايدى. بۇل زاڭ مەملەكەت باسشىسىنىڭ تاپسىرماسىمەن ازىرلەندى.
قۇجات نورمالارىنا سايكەس, قاراجات تۇرعىن ءۇي جاعدايىن جاقسارتۋعا, باسپانا ساتىپ الۋعا جانە ءبىلىم الۋعا جۇمسالادى. بۇل رەتتە شەتەلدە دە ءبىلىم الۋعا بولاتىنىن اتاپ وتكەن ءجون.
سونىمەن قاتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ناگرادالار, مەملەكەتتىك اۆياتسيا, قورعانىس ونەركاسىبى جانە مەملەكەتتىك قورعانىستىق تاپسىرىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ دا سەنات وتىرىسىنىڭ كۇن تارتىبىنە شىعارىلدى. بۇل زاڭ وسى سالادا قازىر قولدانىلىپ جۇرگەن زاڭنامانى جەتىلدىرۋگە ارنالعان.
سونداي-اق وتىرىس كەزىندە ءماجىلىس قابىلداعان زاڭدار جۇمىس ءۇشىن سەناتتىڭ تۇراقتى كوميتەتتەرىنە ءبولىنىپ بەرىلدى.
