بيىل اۋىل شارۋاشىلىعى داقىلدارى 870,2 مىڭ گەكتارعا ورنالاستىرىلىپ, وتكەن جىلمەن سالىستىرعاندا 9,4 مىڭ گەكتارعا ارتقان. ال مال ازىقتىق داقىلدار وتكەن جىلمەن سالىستىرعاندا 2,1 مىڭ گەكتارعا ارتىپ, 223,7 مىڭ گەكتارعا ەگىلگەن.
وبلىس اكىمدىگىنىڭ حابارلاۋىنشا, بيىل مال قىستاتۋ ناۋقانىنا قاجەتتى 4,3 ملن توننا ءىرى سوياۋلى مال ازىعى دايىندالعان. بۇگىندە 273,4 مىڭ گەكتارعا ەگىلگەن استىقتىڭ گەكتار تۇسىمدىلىگى 18,0 تسەنتنەر بولىپ, 492 مىڭ توننا ءونىم جينالدى. ەگىس القاپتارىنان مال قىستاتۋ ناۋقانىنا قاجەتتى 300,1 مىڭ توننا سابان, بيداي, ارپا قالدىقتارىنان 89,4 مىڭ توننا پىشەندەمە دايىندالعان. بيىل 1,5 جىلدىق مال ازىقتىق قوردى قامتاماسىز ەتۋ ماقساتىندا, 1,7 ملن توننا جوڭىشقا, 1,9 ملن توننا تابيعي ءشوپ, 22,4 مىڭ توننا سۇرلەم جينالدى. سونىمەن قاتار تاۋار وندىرۋشىلەر ارقىلى وزگە وبلىستاردان 399,3 مىڭ توننا مال ازىعى ساتىپ الىندى.
ال وڭىردەگى نارىقتا ساباننىڭ سىعىمدالعان ءبىر داناسى 650-700 تەڭگەدەن, جوڭىشقا 1250-1300 تەڭگەدەن, پىشەن 900-950 تەڭگەدەن ساۋدالانىپ جاتىر.
