كوللاجدى جاساعان – قونىسباي شەجىمباي, «EQ»
بۇگىندە مەملەكەت باسشىسىنىڭ تاپسىرماسىن ورىنداۋ ءۇشىن تۇرعىن ءۇي-كوممۋنالدىق شارۋاشىلىق سالاسىنا ينۆەستيتسيا تارتۋعا ء«تاريفتى ينۆەستيتسياعا ايىرباستاۋ» ساياساتىنا كوشۋدى قامتاماسىز ەتۋ جونىندە باعدارلاما بەكىتىلگەن. ەندى وسى باعدارلامانى ىسكە اسىرۋ بارىسىندا 2023-2029 جىلدارعا 3 مىڭ شاقىرىمعا جۋىق كوممۋنالدىق جەلىلەردى, ونىڭ ىشىندە سۋمەن جابدىقتاۋ جانە سۋ بۇرۋ جەلىلەرىن جاڭعىرتۋ ءۇشىن 400 ملرد تەڭگە ينۆەستيتسيا تارتۋ كوزدەلىپتى. بۇل 2029 جىلعا قاراي جەلىلەردىڭ توزۋىن شامامەن 20%-عا تومەندەتۋگە مۇمكىندىك بەرەدى. بيىل جىل باسىندا «تابيعي مونوپوليالار تۋرالى» زاڭعا تۇزەتۋلەر ەنگىزىلدى. وسى جونىندە ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ سۋمەن جابدىقتاۋ جانە سۋ بۇرۋ سالاسىنداعى رەتتەۋ باسقارماسىنىڭ باسشىسى اينۇر يبراەۆا تارقاتىپ ايتىپ بەرگەن ەدى.
«قابىلدانعان تۇزەتۋلەر شەڭبەرىندە وسى جىلدىڭ ەكىنشى توقسانىندا ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتى سۋمەن جابدىقتاۋ جانە سۋ بۇرۋ سالاسىندا تاريفتەر مەن ينۆەستيتسيالىق باعدارلامالاردى وزگەرتۋگە قاتىستى 30 ءوتىنىم بەكىتتى. بۇل شارالار تابيعي مونوپوليالار سۋبەكتىلەرىنە قوسىمشا ينۆەستيتسيا تارتۋ ەسەبىنەن جوندەۋ جۇمىستارىن ۇلعايتۋ جولىمەن كوممۋنالدىق جەلىلەردىڭ توزۋىن 2029 جىلعا 20% تومەندەتۋگە جول اشادى. سونداي-اق اۆاريالار سانىن, اجىراتۋلار مەن شىعىنداردى ازايتۋعا, رەتتەلىپ كورسەتىلەتىن كوممۋنالدىق قىزمەتتەردىڭ ساپاسىن جانە سەنىمدىلىكتى جاقسارتۋعا مۇمكىندىك بەرەدى», دەيدى باسقارما باسشىسى.
وسىنىڭ ەسەسىنە تابيعي مونوپوليالار سۋبەكتىلەرى قىزمەتكەرلەرىنىڭ جالاقىسىن سالالىق ورتاشا كورسەتكىشكە دەيىن ارتتىرۋعا بولادى ەكەن. مىسالى, سۋمەن جابدىقتاۋ جانە سۋ بۇرۋ سالاسىنداعى شامامەن 50 مىڭ قىزمەتكەردىڭ تابىسىن 135 مىڭ تەڭگەدەن 200 مىڭ تەڭگەگە دەيىن ۇلعايتۋ جوسپارلانىپتى. سونىمەن قاتار 2,7 مىڭ شاقىرىمنان اسا يەسىز سۋمەن جابدىقتاۋ جانە سۋ بۇرۋ جەلىلەرىن سەنىمگەرلىك باسقارۋعا, كوممۋنالدىق مەنشىككە بەرۋ كورسەتىلەتىن قىزمەتتەردىڭ تۇراقتىلىعىن قامتاماسىز ەتۋگە مۇمكىندىك بەرمەك.
تابيعي مونوپوليالار سۋبەكتىلەرىنىڭ تيىمدىلىگىن ارتتىرۋ ماقساتىندا حالىقارالىق ۇيىمداردىڭ كونسۋلتانتتارىن تارتا وتىرىپ, تاريفتىك ءادىسنامانى رەفورمالاۋ بويىنشا جۇمىس ۇيلەسىم تاپقان. جاڭا تاسىلدەر سالاعا ۇزاقمەرزىمدى ينۆەستيتسيالاردى تارتۋعا, كورسەتىلەتىن قىزمەتتەردىڭ ساپاسىن ارتتىرۋعا, شىعىنداردى قىسقارتۋعا مۇمكىندىك بەرەدى. ودان ءارى تاريفتىك ساياسات تۇتىنۋشىنىڭ قاراجاتىن ماقساتتى پايدالانۋدى قاتاڭ باقىلاۋمەن, حالىقتىڭ مۇقتاج توپتارىن الەۋمەتتىك قولداۋمەن, تابيعي مونوپوليالار سالاسىنداعى قىزمەتتى مەملەكەتتىك رەتتەۋ راسىمدەرىنىڭ جاريالىلىعىن قامتاماسىز ەتۋمەن سۇيەمەلدەنەدى. ءبىر سوزبەن ايتقاندا, تاريفتىك ساياسات سۋمەن جابدىقتاۋ جانە سۋ بۇرۋ جەلىلەرىنىڭ جۇمىسىن ودان ءارى سەنىمدى قامتاماسىز ەتۋ ءۇشىن ينۆەستيتسيا تارتۋعا باعىتتالعان.
