بيومەتريالىق سايكەستەندىرۋ – ءتيىمدى جول

سالىق ورگاندارى تەك 2021 جىل­دان باستاپ تاۋەكەلدەردى باسقارۋ جۇيەسى نەگىزىندە كومپانيالاردى تىركەۋگە جانە شوت-فاكتۋرالار­دى جا­زىپ بەرۋگە قاتىسى جوق 2,6 مىڭ­­­نان اسا قۇرىلتايشى مەن باس­­شى انىقتادى. وسى جانە باسقا دا نە­گىزدەر بويىنشا سوت ورگاندارى تىر­كەۋدى جانە قايتا تىر­­كەۋدى جارامسىز دەپ تانۋ تۋرالى 3,9 مىڭ­عا جۋىق شەشىم شىعاردى. شوت-فاكتۋرا­لار بويىنشا جالعان اينا­لىم سوما­سى ­ 1 ترلن تەڭگەدەن استى.

«تاۋارلاردى ناقتى ساتپاي نە­مەسە جۇمىستاردى ورىندا­ماي قار­جىلىق قۇجاتتاردى رەسىم­دەۋ فاك­تىلەرى انىقتالىپ جاتىر. بۇل رەتتە اكىم­شىلەندىرۋ بارى­­سىندا مۇنداي ء«فورمالدى» باسشىلار ولارعا كوم­پانيالار­دىڭ تىركەلگەنى جانە ولاردىڭ اتى­نان شوت-فاكتۋرالار جازىپ بەرىلگەنى تۋرالى العاش رەت ەستىپ وتىرعانى بەلگىلى بولدى», دەپ حابارلادى مەملەكەتتىك كىرىستەر كوميتەتى.

تسيفرلىق جوبا بيومەتريا­لىق سايكەستەندىرۋدى تەك ەرەكشە جاع­دايلاردا جانە جوعارى تاۋەكەل دا­رەجەسىندە قولدانۋدى كوزدەيدى. ەلەك­تروندىق شوت-فاكتۋرالاردى جا­زىپ بەرەتىن كومپانيالار­دىڭ شامامەن 1 پايىزىن قامتيدى. Digital-ID شاراسى بيزنەستى شەك­تەمەيدى: ونى كۇنىنە ءبىر رەت كەز كەلگەن ىڭعايلى ۋاقىتتا ءوتۋ كەرەك.

سالىق ورگاندارى بيومەت­ريا­لىق دەرەكتەردى جينامايدى, تەكسەرۋ ەلەكتروندىق ۇكىمەت پورتالىندا پايدالانىلاتىن سەرۆيس­تەردە جۇزە­گە اسىرىلا­دى. ەلىمىزدە مەملەكەت­تىك قىز­مەتتەر­دى الۋ كەزىندە وسىعان ۇقساس تەحنولوگيانى قولدانعانىنا ەكى جىلدان اسا ۋاقىت بولعانىن اتاپ ءوتۋ قاجەت.