اتالعان تاقىرىپتى تالقىلاۋعا ازاماتتىق اۆياتسيا كوميتەتى, قازاقستاننىڭ اۆياتسيالىق اكىمشىلىگى, وتاندىق جانە شەتەلدىك اۆياكومپانيالار, اۋەجايلار مەن لوگيستيكالىق كومپانيالاردىڭ باسشىلارى, سونداي-اق شەتەلدىك مەملەكەتتىك ورگانداردىڭ وكىلدەرى قاتىستى.
القالى جيىن بارىسىندا ازاماتتىق اۆياتسيا كوميتەتىءنىڭ توراعاسى تالعات لاستاەۆ, ACI EUROPE حالىقارالىق اۋەجايلار كەڭەسىنىڭ باس ديرەكتورى وليۆە يانكوۆەتس, «نۇرسۇلتان نازارباەۆ حالىقارالىق اۋەجايى» اق باسقارما توراعاسى ەرعازى جولداسوۆ, الماتى حالىقارالىق اۋەجايىنىڭ پرەزيدەنتى الپ ەر تۋنگا ەرسوي, IATA ەۋروپاداعى جۇك تاسىمالداۋ جونىندەگىوڭىرلىك مەنەدجەرى حۋان فەرناندەس, Terminals holding group باس ديرەكتورى احمەد ءال-حادابي, Air Astana اۋە كومپانياسىنىڭ ساتۋ جونىندەگى ديرەكتورى جاننا شاياحمەتوۆا جانە Asiana Airlines اۋە كومپانياسىنىڭ وكىلى ۆسەۆولود كيم بايانداما جاسادى.
سەسسيا بارىسىندا وتىنمەن قامتاماسىز ەتۋ, وتاندىق اۋەجايلاردىڭ ينفراقۇرىلىمىن دامىتۋ, قازاقستاندا ترانزيتتىك مۋلتيمودالدى حابتى قالىپتاستىرۋ, كولىك جۇيەلەرىن ينتەگراتسيالاۋ, مارشرۋتتىق جەلىنى دامىتۋ, جۇكتەردى تاسىمالداۋ تيىمدىلىگىن ارتتىرۋ جانە جەتكىزۋ جاعدايلارىن جاقسارتۋ ماسەلەلەرى تالقىلاندى.
ءىس-شارا قورىتىندىسى بويىنشا قاتىسۋشىلار جولاۋشىلار مەن جۇك تاسىمالىن دامىتۋ ماسەلەلەرى بويىنشا ىنتىماقتاستىقتى جالعاستىرۋعا ۋاعدالاستى.
ەستەرىڭىزگە سالا كەتەيىك, New Silk Way بيزنەس-فورۋمى استانادا قازاقستاندىق كولىك اپتالىعى شەڭبەرىندە ءوتىپ جاتىر. ءىس-شارا Translogistica Kazakhstan 2023 XXVI حالىقارالىق كورمەسىمەن ءبىر ۋاقىتتا ءوتىپ جاتىر. وسىلايشا 4-6 قازان ارالىعىندا ەلوردا تورىندە ۇيىمداستىرىلعان كورمەدە قازاقستان, ازەربايجان, بەلارۋس, گەرمانيا, يران, يتاليا, قىتاي, قىرعىزستان, ليتۆا, لاتۆيا, ەستونيا, پولشا, رەسەي فەدەراتسياسى, تۇرىكمەنستان, تۇركيا, وزبەكستان, فينليانديا جانە باسقا ەلدەردەن 226 كومپانيا ءوز ستەندتەرىن ۇسىنىپ وتىر.
