بۇل سوزىمىزگە جامبىل وبلىسىنىڭ تۇرار رىسقۇلوۆ اۋدانىنا قاراستى قۇلان اۋىلىنىڭ تۋماسى ەرسەن ستانبەك دالەل بولا الادى. ەرسەن – تالاي دودالاردا باق سىناپ, ەلىمىزدىڭ ابىرويىن اسقاقتاتىپ جۇرگەن پاراپاۋەرليفتينگ سپورتىنىڭ شەبەرى. ەرسەنگە ءسابي شاعىندا «ديسپلازيا» دياگنوزى قويىلىپ, كۇنى بۇگىنگە دەيىن 18 رەت وپەراتسيا جاسالعان.
– دەنساۋلىعىمداعى ەرەكشەلىكپەن بالا كۇنىمدە كوپ الىستىم. ءتىپتى, تالاي اۋرۋحانانىڭ ەسىگىن توزدىردىم. الايدا ەش مويىمادىم. 5-سىنىپتان باستاپ ۇستەل تەننيسىمەن, توعىزقۇمالاق, ءجۇزۋ, قول كۇرەسىمەن اينالىسا باستادىم, – دەيدى ەرسەن ستانبەك.
دەمەك, ەرسەن بەساسپاپ سپورتشى. بۇلاي دەۋگە تولىق نەگىز دە بار. سەبەبى ول – قول كۇرەسىنەن قازاقستاننىڭ 5 دۇركىن, الەمنىڭ جانە ازيانىڭ 2 دۇركىن چەمپيونى. اۋىر اتلەتيكادان دۋباي قالاسىندا وتكەن جاستار اراسىنداعى پاراپاۋەرليفتينگتەن الەم چەمپيوناتىنىڭ 3-ورىن يەگەرى. ەرسەننىڭ ەندىگى ماقساتى – وليمپيادا چەمپيونى بولۋ.
ۇكىمەتتىڭ 2014 جىلدىڭ 13 ناۋرىزىنداعى قاۋلىسىمەن «دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى» قۇرىلعانى بەلگىلى. مۇندا دا ەل ءۇمىتىن اقتاپ جۇرگەن قانشاما سپورتشىلار بار. 2013 جىلى بولگاريادا الەم چەمپيونى اتانعان جامبىلدىق عابيت ەسجانوۆ, ازيا ويىندارىنان بەس دۇركىن چەمپيونى استانالىق ءانۋار احمەتوۆ, الەم چەمپيونى سيازبەك داليەۆ جانە باسقالار وسى تىزىمدە تۇر. اتى اتالعان تۇلعالاردىڭ بارلىعى بۇگىندە ءوز سالاسىندا وزىقتار قاتارىندا. ءتىپتى, 2014 جىلى قازان ايىندا وڭتۇستىك كورەيانىڭ ينچحون قالاسىندا وتكەن ازيا پاراويىندارىندا مۇمكىندىگى شەكتەۋلى سپورتشىلارىمىز 7 التىن مەدالمەن رەكوردتىق كورسەتكىشكە قول جەتكىزگەن ەدى.
قازىر ەلىمىزدە مۇمكىندىگى شەكتەۋلى جاندارعا ارنالعان كوپ ورتالىق جۇمىس ىستەيدى. سولاردىڭ ءبىرى – «IteachMe» قوعامدىق قورى. 2019 جىلدان باستاپ جۇمىسىن باستاعان ۇيىم بۇگىنگە دەيىن مۇگەدەكتىگى بار, از قامتىلعان, جەتىم ساناتىنا جاتاتىن 500-دەن اسا ستۋدەنتكە ءبىلىم بەرىپ, ولاردىڭ جۇمىسقا ورنالاسۋىنا ىقپال ەتكەن. جالپى, ورتالىقتا ءبىلىم الۋ مۇمكىندىگى 7 باعىت بويىنشا جۇرگىزىلەدى. ولار: ۆەب-ماستەر, UI/UX جانە motion ديزاين, كوپيرايتينگ, موبيلوگرافيا, سمم+كوپيرايتينگ, بق تەستىلەۋ جانە گرافيكالىق ديزاين ماماندىقتارى. جانە بارلىق وقۋ ماتەريالدارى قازاق جانە ورىس تىلدەرىندە, ەستۋ قابىلەتى بۇزىلعان ستۋدەنتتەرگە ىم-يشارا تىلىندە وتكىزىلەدى. وسى ءبىلىمنىڭ ءبارىن ورتالىق تەگىن بەرەدى.
«قوعامدا مۇگەدەك ادامدارعا كوزقاراس دۇرىس قالىپتاسپاعان. سوندىقتان, ءبىزدىڭ ماقساتىمىز – «ITeachMe» جوباسى شەڭبەرىندە تاياۋداعى 10 جىل ىشىندە ەلىمىزدە ەڭبەككە قابىلەتتى جاستاعى مۇگەدەكتىگى بار ادامداردىڭ 90 پايىزىن باعدارلامامەن قامتىپ, قوعامدا ءوز ورنىن تابۋىنا كومەكتەسۋ», دەيدى ۇيىم باسشىسى زاحيرا بەگاليەۆا.
وسى مەكەمەدەن ءبىلىم العان شاكىرتتىڭ ءبىرى – دانيل تىششەنكو. 2021 جىلى «ITeacMe» ۇيىمىمەن تانىسىپ, جوباعا قاتىسۋعا ءوتىنىش قالدىرعان ول 3 اي كولەمىندە ونلاين ءدارىس الىپ, SMM جانە كوپيرايتينگ ماماندىعىن يگەرگەن. ناتيجەسىندە, بەلگىلى كومپانيادان ۇسىنىس ءتۇسىپ, SMM مامانى بولىپ جۇمىسقا ورنالاسقان.
داريعا قۇرمانالى,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى
