كولىكتى ەرىكتى ساقتاندىرۋ ارتا ءتۇستى

سالىستىرۋ ءۇشىن ايتار بول­ساق, بىلتىر سەگمەنت بويىنشا جي­نالعان سىيلىقاقى كولەمى نەبارى 56,5 ملرد تەڭگەنى قۇرادى. كاسكو سىيلىقاقىلارىنىڭ كولەمى بەس جىلدا 5,6 ەسە, ال ون جىلدا 11,9 ەسە وسكەن. ايتا كەتەيىك, جالپى ساق­تاندىرۋ قىزمەتىن كورسەتەتىن 16 ساقتاندىرۋ كومپانياسىنىڭ ىشىندە 14 كومپانيا ەرىكتى م ۇلىكتىك ساقتاندىرۋدى ۇسىنادى. ونىڭ ىشىندە تەك 10 ساقتاندىرۋ كومپانياسى كاسكو-نى ونلاين تىركەۋدى ۇسىنادى, ياعني ءىس جۇزىندە كەز كەلگەن وتاندىق اۆتوكولىك جۇرگىزۋشىسى ءۇشىن قولجەتىمدى ءونىم.

وسى وندىقتىڭ ىشىندە 2023 جىلدىڭ قاڭتار-شىلدە ايلا­رىن­دا جينالعان كاسكو سىيلىق­اقى­لارىنىڭ كولەمى بويىنشا 9,8 ملرد تەڭگە كولەمىمەن «ەۋرازيا» ساقتاندىرۋ كومپانياسى كوش باستاپ تۇر. جىلدىق ءوسۋ قارقىنى ايتارلىقتاي – 71 پايىز. ودان كەيىن «حالىق» (8 ملرد تەڭگە) جانە Freedom Finance Insurance (6,8 ملرد تەڭگە) ساق­تان­دىرۋ كومپانيا­لارى كەلەدى. اي­تارلىقتاي كولەم «نوماد ينشۋرانس» ساقتاندىرۋ كوم­پا­نياسىندا دا (5,5 ملرد تەڭگە) بار.

ءبىر قىزىعى, اۆتوكولىكتى ەرىكتى م ۇلىكتىك ساقتاندىرۋ بويىنشا ساقتاندىرۋ سىيلىقاقىلارىنىڭ بارلىق تۇسىمىنەن الىنعان سىي­لىقاقى ۇلەسى 2022 جىلعى قاڭ­تار-شىلدەدە 5 پايىزدان 2023 جىلعى قاڭتار-شىلدەدە 9,3 پا­يىزعا دەيىن كوبەيگەن. سونىمەن قاتار ەرىكتى م ۇلىكتىك ساقتاندىرۋ بويىن­شا سىيلىقاقىلار ەسەبىنەن اۆتو­كولىكتى ساقتاندىرۋ بويىنشا سىي­لىقاقىلاردىڭ ۇلەسى 12,1 پا­يىز­دان 21 پايىزعا دەيىن ارتىپتى.

شىن مانىندە, بۇگىندە اۆتو­كولىكتى ەرىكتى ساقتاندىرۋ سەگمەنتى جەدەل قارقىنمەن دامىپ, ەلدىڭ ساقتاندىرۋ نارىعىنداعى سال­ماعىن ايتارلىقتاي ارتتىرىپ جاتقانى انىق. سونىمەن بىرگە بۇل فاكت كولىك قۇرالدارى يە­لە­رىنىڭ ازاماتتىق-قۇقىقتىق جا­ۋاپ­كەرشىلىگىن مىندەتتى ساق­تاندىرۋ جانە كاسكو ساقتاندىرۋ بويىنشا جينالعان سىيلىقاقىلار كو­لە­مىندەگى الشاقتىقتى كور­سەتەدى.

ماسەلەن, 2023 جىلعى قاڭ­تار-شىل­دەدە اۆتوكولىك يە­لەرىنىڭ ازا­ماتتىق-قۇقىقتىق جاۋاپ­كەر­شىلىگىن مىندەتتى ساق­تان­دىرۋ بويىن­شا سىيلىقا­قى­لاردىڭ ءتۇسۋى 68,7 ملرد تەڭگەنى قۇرادى, بۇل كاسكو بويىنشا سىيلىقاقى كولەمىنەن نەبارى 7,4 پايىزعا كوپ. 2022 جىل­دىڭ قاڭتار-شىلدە ايلارىندا مىن­دەتتى ساقتاندىرۋ سالاسىنداعى سىيلىقاقىلار كولەمى كاسكو بويىنشا سىيلىقاقىلار كولەمىنەن بىردەن 2,4 ەسە جوعارى بولدى. جىل­دىق ديناميكادا اۆتوكولىك يەلەرىنىڭ ازاماتتىق-قۇ­قىقتىق جا­ۋاپكەرشىلىگىن مىن­دەتتى ساقتاندىرۋ بويىنشا سىي­لىقاقىلار 11,1 پايىز عانا ءوستى, بۇل كاسكو سەگمەنتىنىڭ ءوسۋ قار­قىنىنان ايتارلىقتاي تومەن.

كاسكو-عا دەگەن قىزىعۋشى­لىقتىڭ جىلدام ارتۋى حالىق­تىڭ اۆتوكولىكتەرى ءۇشىن ەرىكتى ساق­­تاندىرۋدى تاڭداۋداعى حابار­دار­­لىعىنىڭ ءوسىپ كەلە جاتقانىن كورسەتەدى.