قارجىلىق مونيتورينگ اگەنتتىگى اتىراۋ وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ شتاب باستىعى بەكبولات انەسوۆتىڭ مالىمەتىنە سۇيەنسەك, تۇتىنۋ كووپەراتيۆىنە 296 سالىمشى تارتىلعان.
«دەپارتامەنت قىزمەتكەرلەرى تۇرعىنداردى الداپ-ارباۋدىڭ الدىن الۋ ءۇشىن مونيتورينگ جۇرگىزىپ كەلەدى. مونيتورينگتىڭ ناتيجەسىندە اتىراۋدا قارجى پيراميداسىن قۇرعان تۇلعالاردىڭ ءىسى اشكەرەلەندى. ولار «QazHome» تۇتىنۋ كووپەراتيۆىن جەكە جانە زاڭدى تۇلعالاردىڭ اقشاسىن نەمەسە وزگە دە مۇلكىن تارتۋدان كىرىس الۋ, كەيبىر قاتىسۋشىلاردىڭ اكتيۆتەرىن قايتا ءبولۋ, باسقالاردىڭ جارنالارى ەسەبىنەن بايىتۋ قىزمەتىن ۇيىمداستىرعان. وسى دەرەكتى تەرگەۋ كەزىندە كووپەراتيۆ قىزمەتىنە 296 سالىمشى تارتىلعانى انىقتالدى. سالىمشىلاردىڭ تەك 35-ءى عانا شاعىمدانىپ, ارىز جازدى. ارىزدار بويىنشا زالال سوماسى 49 ملن تەڭگەدەن اسادى. قازىر اتالعان قىلمىستىق ءىس سوتتا قارالىپ جاتىر», دەپ حابارلادى بەكبولات انەسوۆ.
