كەڭەيتىلگەن جانە شاعىن قۇرامدا وتكەن كەلىسسوز بارىسىندا تاراپتار ەكى ەل اراسىنداعى ىنتىماقتاستىق ماسەلەسى بويىنشا ويلارىن ورتاعا سالىپ, پىكىر الماستى.
ەكى ەلدىڭ ورتالىق مەملەكەتتىك ورگاندارىنىڭ باسشىلارى قاتىسقان ۇكىمەتارالىق كەڭەس وتىرىسىندا ساۋدا-ەكونوميكالىق ىنتىماقتاستىقتى نىعايتۋ, اعىن سۋدى ءتيىمدى پايدالانۋ جانە ەنەرگەتيكا سالاسىنداعى ءوزارا ءىس-قيمىل, ونەركاسىپ پەن اوك-كە كووپەراتسيالىق جوبالاردى بىرلەسە ىسكە اسىرۋ, مەملەكەتتەر اراسىنداعى ترانزيتتىك-كولىك الەۋەتىن ارتتىرۋ, تۋريزم, مادەنيەت سالالارىنداعى جوبالاردى بىرلەسە ىسكە اسىرۋ ماسەلەلەرى ءسوز بولدى.
كەزدەسۋ بارىسىندا پرەمەر-مينيستر ءاليحان سمايىلوۆ كورشى ەكى ەل باسشىلارىنىڭ كۇش-جىگەرىنىڭ ارقاسىندا كەيىنگى ۋاقىتتاردا قازاق-قىرعىز ستراتەگيالىق سەرىكتەستىگى سونى سەرپىنمەن دامي تۇسكەنىن تىلگە تيەك ەتتى.
«قىرىزستان – ءبىز ءۇشىن تاتۋ كورشى, باۋىرلاس ەل عانا ەمەس, سونداي-اق ماڭىزدى ساۋدا-ەكونوميكالىق سەرىكتەس مەملەكەت», دەدى ءا. سمايىلوۆ ءوز سوزىندە.
كەيىنگى جىلدارى باۋىرلاس ەكى ەل اراسىنداعى ءوزارا تاۋار اينالىمى ەداۋىر ارتقان. دەرەكتەرگە سەنسەك, 2022 جىلى كورشى مەملەكەتتەر اراسىنداعى ساۋدا كولەمى شامامەن 19 پايىزعا ءوسىپ, 1,3 ملرد دوللاردى قۇراعان. وسى جىلى دا وڭ ديناميكا قالىپتاسقان. ناقتىراق ايتار بولساق, جەتى ايداعى تاۋار اينالىمى 13 پايىزعا ارتىپ, 757 ميلليون دوللارعا جەتكەن.
پرەمەر-مينيستر ءا.سمايىلوۆتىڭ ايتۋىنشا, ترانزيت, كولىك, كوممۋنيكاتسيا, تۋريزم جانە باسقا سالالاردا دا كورشى ەلدەر اراسىندا بەرىك ىنتىماقتاستىق ورناعان. سونداي-اق ونەركاسىپتىك كووپەراتسيا, اۋىل شارۋاشىلىعى, تسيفرلاندىرۋ سالالارىندا دا پەرسپەكتيۆالى باستامالار از ەمەس.
ۇكىمەت باسشىسىنىڭ سوزىنە سۇيەنسەك, الداعى ۋاقىتتا بىرلەسىپ اتقاراتىن بىرقاتار ماڭىزدى جوبانى جەدەلدەتىپ ىسكە اسىرۋ كەرەك. انىعىراق ايتساق, جۋىق ارادا شەكارا ماڭىنداعى ايماقتاردا يندۋستريالىق ساۋدا-لوگيستيكالىق كەشەن قۇرۋ جاڭا كووپەراتسيالىق جوبانى جۇزەگە اسىرۋعا ايرىقشا ىقپال ەتەدى. بۇل قادام ءوز كەزەگىندە ەكى ەل باسشىلارى ۋاعدالاسقانداي, تاۋار اينالىمىن 2 ملرد دوللارعا دەيىن جەتكىزۋ جونىندەگى تاپسىرمانى ورىنداۋعا ايتارلىقتاي ۇلەس قوسادى.
كورشىلەس ەكى ەل ۇكىمەتىنىڭ باسشىلارى قازاقستان مەن قىرعىز رەسپۋبليكاسىنىڭ ورتاق مۇددەسىن ەسكەرە وتىرىپ, ءوزارا قۇرمەت پەن تاتۋ كورشىلىككە نەگىزدەلگەن اعىن سۋ سالاسىنداعى ءىس-قيمىلدى ودان ءارى جالعاستىرۋدىڭ ماڭىزدىلىعىن اتاپ ءوتتى.
ء«بىزدىڭ حالقىمىزدىڭ ومىرىنە تىكەلەي اسەر ەتەتىن ەكولوگيا جانە سۋدى ۇتىمدى پايدالانۋ سالاسىندا ىنتىماقتاستىقتى دامىتۋدىڭ ماڭىزى زور. سۋ رەسۋرستارىن ءادىل جانە اشىق باسقارۋدى قامتاماسىز ەتۋ ماقساتىندا بىزگە مەملەكەتارالىق سۋ شارۋاشىلىعى كانالدارىن تسيفرلاندىرۋ ارقىلى ءتيىمدى مونيتورينگ جۇرگىزۋ قاجەت ەكەنى ءسوزسىز. گيدرولوگيالىق اقپارات الماسۋدى, اتاپ ايتقاندا, سۋ قويمالارىنا كەلەتىن اعىن سۋ جانە باسسەين بويىنشا سۋ الۋ جونىندە اقپاراتتارمەن قامتاماسىز ەتۋ ماڭىزدى», دەدى ءاليحان سمايىلوۆ ءوز سوزىندە.
ۇكىمەت باسشىسىنىڭ ايتۋىنشا, سۋ رەسۋرستارىن بىرلەسىپ پايدالانۋدىڭ قۇقىقتىق تەتىگىن جەتىلدىرۋدىڭ ءوزارا ءتيىمدى ىنتىماقتاستىقتى نىعايتۋداعى ىقپالى زور.
باسقوسۋ بارىسىندا ءا.سمايىلوۆ ەكى ەل اراسىنداعى مادەني-گۋمانيتارلىق بايلانىستاردىڭ دا قالىپتى دامىپ كەلە جاتقانىنا توقتالدى.
«قازاقستاننىڭ 2021 جىلى قىرعىزستانداعى, 2022 جىلى قىرعىزستاننىڭ قازاقستانداعى مادەنيەت كۇندەرى تاجىريبەلىك جانە رۋحاني بايلانىستاردىڭ دامۋىنا وڭ سەپتىگىن تيگىزدى», دەدى قازاقستان پرەمەر-ءمينيسترى ءوز سوزىندە.
قىرعىز رەسپۋبليكاسى مينيسترلەر كابينەتىنىڭ توراعاسى – پرەزيدەنت اكىمشىلىگىنىڭ باسشىسى اقىلبەك جاپاروۆ ەكى ەل باسشىلارىنىڭ جۋىرداعى ءوزارا ساپارلارى بارىسىندا ەكىجاقتى ىنتىماقتاستىقتىڭ نەگىزگى باعىتتارى ايقىندالعانىن اتاپ ءوتتى.
«باۋىرلاس ەلدەر حالىقتىڭ يگىلىگى ءۇشىن ۋاعدالاستىقتاردى ىلگەرىلەتۋ ماقساتىندا كۇش سالاتىنىنا كۇمان جوق. تاتۋلىق نەگىزىندە ورىستەپ كەلە جاتقان بايلانىسىمىز نىعايا بەرەتىنى داۋسىز», دەدى ا.جاپاروۆ ءوز ويىن ورتاعا سالىپ.
فورۋمنىڭ پلەنارلىق وتىرىسىندا جامبىل وبلىسىنىڭ اكىمى ەربول قاراشوكەەۆ, الماتى وبلىسىنىڭ اكىمى مارات سۇلتانعازيەۆ, قىرعىز رەسپۋبليكاسى پرەزيدەنتىنىڭ تالاس وبلىسىنداعى ۋاكىلەتتى وكىلى نۇربەك داردانوۆ پەن ىستىقكول وبلىسىنداعى ۋاكىلەتتى وكىلى يلياز يمانبەتوۆ ءسوز سويلەپ, وڭىرلەر اراسىنداعى بايلانىستى نىعايتۋدىڭ ماڭىزدىلىعى تۋرالى ويلارىن ورتاعا سالدى.
«وبلىستار مەن قالالار اراسىنداعى تىكەلەي بايلانىس, وڭىرارالىق دوستىق پەن ىنتىماقتاستىقتى نىعايتۋ – قىرعىز-قازاق مەملەكەتارالىق بايلانىستارىن جاڭا دەڭگەيگە كوتەرۋدىڭ نەگىزى. وڭىرارالىق ديالوگتى كەڭەيتۋ ەكى ەل اراسىنداعى ستراتەگيالىق ارىپتەستىككە وڭ اسەر ەتەدى.
ءبىز وڭىردەگى كولىك-لوگيستيكا, سۋ جانە ەنەرگەتيكا, ساۋدا-ەكونوميكالىق قاتىناستاردى دامىتۋعا ايرىقشا باسىمدىق بەرەمىز. وسى تۇرعىدان الىپ قاراعاندا ونەركاسىپتىك ساۋدا-لوگيستيكالىق كەشەننىڭ قۇرىلىسى قولدا بار ساۋدا-لوگيستيكالىق الەۋەتتى جوعارى تيىمدىلىكپەن پايدالانۋعا مول مۇمكىندىك بەرەدى», دەدى اقىلبەك جاپاروۆ ءوز ويىن تۇيىندەپ.
قازاقستان رەسپۋبليكاسىنىڭ پرەمەر-ءمينيسترى ءاليحان سمايىلوۆتىڭ ايتۋىنشا, ەلىمىزدە ءۇش جارىم مىڭعا جەتەعابىل بىرلەسكەن كاسىپورىن جۇمىس ىستەپ تۇر. وتكەن جىلدان بەرى ولاردىڭ قاتارىنا جاڭادان 200-گە جۋىق جاڭا كومپانيا قوسىلعان.
كەلىسسوزدەرگە نەگىزدەلگەن فورۋم قورىتىندىسىندا تاراپتار ىنتىماقتاستىقتىڭ بارلىق ءوزارا ءتيىمدى باعىتتارى بويىنشا بەلسەندى ءىس-قيمىلداردى قولداۋعا دايىن ەكەنىن راستادى.
جامبىل وبلىسى
