قوسىمشا قازىردىڭ وزىندە ءبىلىم بەرۋ ورتالىقتارىندا قولدانىلىپ كەلەدى. اسىرەسە 5-13 جاس ارالىعىنداعى بالالار اراسىندا وڭ ناتيجە كورسەتىپ وتىر. زياتكەرلەردىڭ ونەرتابىسى اۋتيزم سپەكترى بۇزىلعان ادامداردىڭ ەموتسيالارىن ءبىلدىرۋى مەن شىعارۋىنا سەپتىگىن تيگىزەدى. باعاسى 10 مىڭ تەڭگە تۇراتىن قوسىمشا ناۋقاستىڭ ەموتسياسىن جاساندى ينتەللەكت كومەگىمەن كورسەتۋىنە مۇمكىندىك بەرەدى. كوماندا مۇشەسى ءاليحان سەرعاليەۆتىڭ ايتۋىنشا, قوسىمشا جاستار اراسىندا الەۋمەتتىك كاسىپكەرلىكتى دامىتۋدىڭ ماڭىزدىلىعىن كورسەتەدى. ء«بىز ءار ادام وسى تەحنولوگياعا قول جەتكىزۋگە جانە ەموتسيونالدى داعدىلارىن دامىتۋعا لايىق دەپ سانايمىز», دەيدى ول.
ال كوماندا تالىمگەرى ءارى فيزيكا ءپانىنىڭ وقىتۋشىسى دەنيەل كومبەر-تودد مەكتەپ وقۋشىلارىنىڭ جۇمىسى تاڭعالارلىق دۇنيە ەكەنىن جەتكىزدى.
كوماندا الداعى ۋاقىتتا قوسىمشانى ودان ءارى دامىتۋعا كۇش سالماق. اسىرەسە ەمدەۋ ورتالىقتارى ءۇشىن دياگنوستيكالىق مۇمكىندىكتەردى قوسۋدى جانە ونى باسقا دا ءبىلىم بەرۋ مەكەمەلەرىندە كەڭىنەن پايدالانۋدى جوسپارلاپ وتىر.
