ىقىلاس مۇراسىنا ىجداعات

ساۋداكەنتكە جينالعان جۇرت الدىمەن قوبىزشىلار توپ­قا تۇسكەن «جەزكيىك» رەسپۋب­ليكالىق بايقاۋىن تاماشالادى. ونەر دوداسىنا ەلىمىزدىڭ بەس وڭىرىنەن 11 قوبىزشى قاتىسىپ, ونەرىن ورتاعا سالدى. قاتىسۋشى ۇمىتكەرلەر ورىنداعان شىعار­مالاردىڭ بارلىعى دا كورەرمەن قاۋىمنىڭ كوڭىلىنەن شىقتى.

بايقاۋ قورىتىندىسىندا اتىراۋ وبلىسىنان كەلگەن ايا­­توللا تۇرعانوۆتىڭ ونەرىن قا­زى­لار القاسى جوعارى با­عا­لاپ, باس جۇلدەگە لايىق دەپ تاپتى. جۇلدەلى ءبىرىنشى ورىندى انار­بەك مىرزاباي مەن جالعاس نۇ­راشوۆ يەلەنسە, ەكىنشى ورىن گۇلنۇر قۋانىشقاليەۆا, اي­شا بەردىمۇراتوۆا, قازبەك مال­دى­بايعا بۇيىردى. سونداي-اق گۇلنۇر راحىمجانوۆا, ءاب­دىماناپ بايدىبەك جانە ارۋ­جان تاسبولات ۇزدىك ۇش­تىك­تىڭ قا­تارىنان كورىنسە, اي­­گە­­رىم اح­مەتجانوۆا مەن اي­­شا وما­روۆا ىنتالان­دى­رۋ جۇل­دەسىنە يە بولدى. جە­ڭىم­پاز­­دار مەن جۇلدە­گەرلەردىڭ ال­­عىسحا­تى مەن سىي-سياپاتىن قا­زاق­ستاننىڭ ەڭبەك ەرى, ايگىلى كوم­­پوزيتور ءىليا جاقانوۆ پەن اۋ­دان اكىمى ساكەن مامىتوۆ تا­بىستادى.

ءىس-شارا سوڭى ساۋداكەنت اۋىلىنداعى مادەنيەت ۇيىندە ۇيىمداستىرىلعان «قوبىز اتا­­سى – ىقىلاس» اتتى رەسپۋب­لي­كالىق فورۋمعا ۇلاستى. فو­رۋمنىڭ اشىلۋ سالتاناتىندا سارىسۋ اۋدانىنىڭ اكىمى ساكەن مامىتوۆ ىقىلاس مۇراسىن جاڭ­عىرتۋ ءۇشىن اۋداندا بىر­قا­تار جۇمىس قولعا الىناتىنىن ايتىپ ءوتتى. ءىس-شا­رانى دينا نۇرپەيىسوۆا اتىن­­داعى اكادەميالىق قازاق حالىق اسپاپتار وركەسترىنىڭ ءسو­ليسى, مادەنيەت سالاسىنىڭ ۇزدىگى, كۇيشىلەر وداعىنىڭ اتى­راۋ وب­لىستىق فيليالىنىڭ جە­تەكشىسى اقنار تاتتىبايقىزى جۇرگىزدى.

فورۋم بارىسىندا قا­زاق­­ستاننىڭ ەڭبەك ەرى, اي­گىلى كوم­­پوزيتور ءىليا جاقا­نوۆ, قو­عام قايراتكەرى ءابدى­ما­ناپ كوپ­بەرگەنوۆ, ىقى­لاس­تىڭ ءداس­تۇرلى مەكتەبىن جال­عاس­تى­رۋ­شى-ۇستاز ءابدى­ما­ناپ جۇ­ما­­بەكوۆ, جازۋشى پەر­نەباي دۇيسەنبين باستاعان وزگە دە مار­تەبەلى مەيماندار ساحنا تورىنە كوتەرىلىپ, بابا مۇراسىن نا­سيحاتتاۋدىڭ ماڭىزى تۋرالى ويلارىن ورتاعا سالدى.

جامبىل وبلىسى,

سارىسۋ اۋدانى