قر اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ارنايى جوباسى اياسىندا وسى جىلدىڭ 11-15 قىركۇيەك ارالىعىندا جامبىل وبلىسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) ماماندارىنىڭ قاتىسۋىمەن ءدىني ەكسترەميزمنىڭ تارالۋىن الدىن الۋعا باعىتتالعان سەمينارلار جانە ءارتۇرلى فورماتتاعى ءىس-شارالاردى ۇيىمداستىرۋ شەڭبەرىندە ءوڭىر تۇرعىندارىمەن بىرقاتار كەزدەسۋلەر وتكىزىلدى.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – قۇلنازاروۆ ب.ن., بەكبوسىنوۆ ە.ت., سادىكوۆا ج.ءا., انارباەۆ ق.س. تارتىلدى.
راتت مۇشەلەرىنىڭ قاتىسۋىمەن تاراز, شۋ قالالارى, شۋ, قورداي اۋداندارى, تولە بي, مويىنقۇم, ماسانشى, سورتوبە اۋىلدارىنىڭ جاستار رەسۋرستىق ورتالىعىنىڭ جاستارى, وڭىرلەردەگى پوليتسيا ءبولىمى, اۋرۋحانا, مادەنيەت ۇيلەرى مەن كىتاپحانا قىزمەتكەرلەرى, مەشىت جاماعاتى جانە ت.ب قاتىسۋشىلار اراسىندا سەمينارلار جانە كەزدەسۋلەر ءوتتى.
وتكىزىلگەن ءىس-شارالاردا وڭىرلەردىڭ تۇرعىندارىنا قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپاراتتار بەرىلدى.
تىڭداۋشىلار تاراپىنان دا راتت مۇشەلەرىنە بىرقاتار سۇراقتار قويىلىپ, تۇجىرىمدى جاۋاپتار الىندى.
