14-15 قىركۇيەكتە تاراز قالاسىنداعى Ark MS قوناقۇيىنىڭ ءماجىلىس زالىندا ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعىنىڭ», «اقنيەت» قق ماماندارى, يمامدار, پسيحولوگتار, تەولوگتار قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – ريتوريكا مامانى امانبەك تولقىن, نەيرولينگۆيستيكالىق باعدارلامالاۋ مامانى, پسيحولوگ سەيتقالي ميرزادا شاحمان ۇلى, تەولوگيا مامانى, PhD دوكتورى بوتاقاراەۆ باۋىرجان, ءدىنتانۋشى, نۇر-مۇباراك ەگيپەت يسلام مادەنيەتى ۋنيۆەرسيتەتى, ءدىنتانۋ كافەدراسىنىڭ دوتسەنتى, PhD ابىلوۆ تۇڭعىش تالعات ۇلى سەمينار وقىدى.
امانبەك تولقىن «ريتوريكا. كوپشىلىك الدىندا سويلەۋ داعدىلارىن مەڭگەرۋ» تاقىرىبىمەن قاتىسۋشىلارعا ادام بويىنداعى جاسقانشاقتىقتى جويۋ, داۋىستىڭ ىرعاعى, تەمبرى, ينتوناتسيانى دۇرىس قولدانۋ, ەكپىندى دۇرىس قويۋ, دۇرىس تىنىس الۋ ماڭىزدىلىعىن اتاپ ءوتتى. سونىمەن قاتار «ديكتسيانى جاقسارتۋعا ارنالعان قۇرالدار» تاقىرىبى اياسىندا وراتورلىق شەبەرلىكتى دامىتۋعا باعىتتالعان ارنايى جاتتىعۋلار مەن ادىستەردى كورسەتىپ, ترەنينگ وتكىزدى.
بوتاقاراەۆ باۋىرجان «دىندارلىق پەن دىنشىلدىكتىڭ پسيحولوگيالىق ەرەكشەلىكتەرى» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس ىستەدى. سونداي-اق «قازاقستاننىڭ قازىرگى ءدىني احۋالى» تاقىرىبىندا وتكەن دارىستە قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
سەيىتقالي ميرزادا شاحمان ۇلى «ۆليانيە دەتسكيح تراۆم جيزنەدەياتەلنوست ليچنوستي» تاقىرىبى اياسىندا قاتىسۋشىلارعا كۇردەلى پروبلەمالار مەن اسقىنىپ تۇرعان ماسەلەلەردى تۇسىندىرە وتىرا, يسلام الەمىنىڭ بىرلىگى جولىندا تۇرعان نەگىزگى كەدەرگىلەر جانە ونىمەن كۇرەس جولى جايىندا ايتا كەتتى. ونىڭ ۇستىنە, «بولەزني ەگو ي پۋتي يح يزلەچەنيا» تاقىرىبىمەن ماماندارعا جۇمىس بارىسىندا جاعدايدىڭ كۇردەلەنۋىنە جول بەرمەۋ تاسىلدەرى مەن وڭالتۋ قاعيدالارى تۋرالى ءسوز قوزعادى.
ابىلوۆ تۇڭعىش تالعات ۇلى «دىندارلىق الەۋمەتتىك-پسيحولوگيالىق فەنومەن رەتىندە» تاقىرىبىندا كەزدەسىپ, ءدىني سانانىڭ ەرەكشەلىكتەرىن, دىندارلىقتىڭ قۇرىلىمىن, جەكە تۇلعانىڭ جانە قوعامنىڭ ءدىني دامۋ ايىرماشىلىقتارىن ءتۇسىندىردى. كەلەسى كەزەكتە, «قازاقستانداعى تاڭىرشىلدىك: تاريحى جانە قازىرگى جاعدايى» تاقىرىبىندا سەمينار وقىپ, جالپى تۇرىك حالقىنىڭ ءدىني-نانىم ۇستانىمى جانە ونىڭ تاريحى, تاڭىرشىلدىك ءىلىمىنىڭ جاعدايى تۋرالى ايتتى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار دارىسكەرلەرگە سۇراقتار قويىپ, ءتيىستى جاۋاپ الدى.
