سەنبى كۇنى اۋىل جانە قالا جاستارى تۋعان ولكەدەگى كيەلى ورىنداردى رەتكە كەلتىردى. ماسەلەن, مۇعالجار اۋدانىنىڭ جۇرىن اۋىلدىق وكرۋگى تۇرعىندارى مۇعالجار قىراتتارىنداعى ەستەمەس تاۋى باۋرايىن قوقىستاردان تازارتتى. ولار جاز بويى تابيعات اياسىندا دەمالۋشىلار بەي-بەرەكەت تاستاپ كەتكەن قوقىستار مەن پلاستيك قۇتىلاردى جيناستىردى. شالقار اۋدانى كىشىقۇم جانە توعىز اۋىلدىق وكرۋگىنىڭ جاستارى كوشە بويىن, اۋىلداعى ساياباقتى قالپىنا كەلتىردى.
اقتوبە وبلىستىق جاستار رەسۋرستىق ورتالىعى باستاماسىمەن 100-دەن استام ەرىكتى بايعانين اۋدانىنداعى جارقامىس اۋىلىنان 37 شاقىرىم جەردەگى ءحVىىى عاسىردىڭ ەسكەرتكىشى – ءداۋىمشار قورىمىندا تازالىق جۇمىستارىن جۇرگىزدى. جەم وزەنىنىڭ سول جاعالاۋىندا ورنالاسقان, رەسپۋبليكالىق ماڭىزى بار تاريحي-مادەني ەسكەرتكىشتەر تىزىمىنە ەنگەن قورىمدا 200-دەن اسا كەسەنە, ساعانا تام, قويتاس بار. اقتوبەدەن بارعان «جاسىل ەل» جاساعىنىڭ ەرىكتىلەرىنە بايعانين اۋدانىنىڭ جاستارى قوسىلىپ, قورىم اراسىن قۋراعان شوپتەردەن تازارتىپ, ەسكى سۇرلەۋ جولىن اشتى, بوياۋى وشكەن ەسكەرتكىشتەردى جۋىپ-تازالاپ, ءۇش عاسىر بۇرىنعى تاس وبالاردىڭ شاشىلعان تاستارىن جينادى. «اكتسياعا قاتىسقان جاستار تۋعان جەردىڭ تابيعاتىن سىيلاۋ وتكەن مۇرانى قادىرلەۋدەن باستالاتىنىن جاقسى سەزىنەدى», دەيدى وبلىستىق ىشكى ساياسات باسقارماسىنىڭ ءبولىم باسشىسى ەلەۋسىز نۇرعاليەۆ.
اقتوبە وبلىسى
