استانا قالاسىنىڭ پروكۋراتۋراسى ق.بورانباەۆپەن جانە باسقا سوتتالۋشىلارمەن «قازترانسگاز» اق-نىڭ اقشالاي قاراجاتىن يەمدەنىپ (قك 189-بابىنىڭ 4-بولىگى) جانە ولاردى زاڭداستىرۋعا (قك 218-بابىنىڭ 3-بولىگى) قاتىستى ءىسى بويىنشا كىنانى مويىنداۋ تۋرالى مامىلە نىسانىندا پروتسەستىك كەلىسىم جاساعان بولاتىن.
سوتتالۋشىلار كىنالارىن تولىق مويىنداۋىن جانە 14,5 ملرد تەڭگەنىڭ زالالىن وتەگەنىن ەسكەرىپ, جابىرلەنۋشى تاراپتاردىڭ كەلىسىمىمەن قالا پروكۋراتۋراسى پروتسەستىك كەلىسىم جاساۋ تۋرالى شەشىم قابىلدادى.
سوت وسى كەلىسىمگە سايكەس شەشىم شىعاردى. قايرات بورانباەۆ 6 جىلعا سوتتالدى.
ەسكە سالا كەتسەك, بيىل ناۋرىزدا سارىارقا اۋداندىق №2 سوتى قايرات بورانباەۆتى 8 جىلعا باس بوستاندىعىنان ايىرۋ جازاسىنا كەسكەن ەدى. الايدا كەيىن استانانىڭ سوت القاسى بورانباەۆقا شىققان سوت ۇكىمىنىڭ كۇشىن جويدى.
29 ماۋسىمدا استانا قالالىق قىلمىستىق ىستەر جونىندەگى سوت القاسى بورانباەۆپەن بىرگە سوتتالعان تايىر جانۇزاق پەن رومان ناحانوۆتىڭ دا ۇكىمىن وزگەرتىپ, قايتا قاراۋ تۋرالى شەشىم شىعاردى. ۇكىم كۇشىنىڭ جويىلۋىنا ناقتى ايعاقتىڭ بولماۋى سەبەپ بولعان.
ايتا كەتەيىك, قايرات بورانباەۆ مەملەكەتتىك قىزمەتتە, جەرگىلىكتى ءوزىن-ءوزى باسقارۋ ورگاندارىندا جانە كۆازيمەملەكەتتىك سەكتوردا لاۋازىمدى قىزمەتتى اتقارۋ قۇقىعىنان ايىرىلدى.
