جارمەڭكەدە قالاداعى 24 مەكەمە 360-قا جۋىق جۇمىس ورنىن ۇسىندى. ارينە, اركىمنىڭ ءوز تاڭداۋى بار. ۇسىنىلعان جۇمىس كوپتىڭ كوڭىلىنەن شىعا بەرمەيتىنى دە راس. جارمەڭكە قورىتىندىسىندا 19 ادام تۇراقتى جۇمىس ورنىن تاپتى. 12 ادام جۇمىسسىزدىق جاعدايى بويىنشا تىركەۋگە الىندى. 15 ادام جۇمىس ورىندارىنا بارىپ, ناقتى تانىسۋعا نيەت ءبىلدىردى.
– اۋا رايىنىڭ قولايلى ءساتىن پايدالانىپ, جارمەڭكەنى اشىق الاڭدا وتكىزگەنىمىز دۇرىس بولىپتى. قىزىعۋشىلىق تانىتقاندار كوپ. ءبىر جاعى كوپشىلىك ءان-كۇي تىڭداپ, كوڭىلىن كوتەرىپ, ءبىر سەرپىلىپ قالدى. مۇنداي جوبانى الداعى ۋاقىتتا ودان ءارى جالعاستىرامىز, – دەيدى جەزقازعان قالاسى اكىمىنىڭ ورىنباسارى باقىتجان جايلاۋباەۆ.
جارمەڭكە بارىسىندا جۇمىس تاۋىپ, العاش ەڭبەك جولىن باستايتىن جاستارعا ەڭبەك كىتاپشالارى سالتاناتتى تۇردە تابىستالىپ, ەستەلىك سىيلىقتار تاپسىرىلدى.
ۇلىتاۋ وبلىسى,
جەزقازعان قالاسى
