فوتو: اشىق دەرەككوز
ارال – سىرداريا باسسەينىندەگى سۋدىڭ ازايۋى, كوكساراي سۋ رەتتەگىشىنىڭ تەحنيكالىق جاعدايىنىڭ تومەندىگى قىزىلوردا وبلىسىنداعى تۇرعىنداردىڭ تىرشىلىك نارىنە دەگەن زارۋلىكتى تۋىنداتىپ وتىر. سەناتور ايماقتا سۋدىڭ تاپشىلىعى كۇش الماۋ ءۇشىن ماڭىزدى شارالار قابىلداۋ قاجەتتىگىن ايتتى.
«قىزىلوردا وبلىسىندا سۋ تاپشىلىعى بويىنشا قالىپتاسقان كۇردەلى جاعدايدى شەشۋ ماقساتىندا قىسقى-كوكتەمگى كەزەڭدە تاسقىن سۋلاردى جيناقتاۋ اسا ماڭىزدى. ول ءۇشىن «قاراوزەك» سۋ ارناسىندا 3 سۋ توسپاسىن قالپىنا كەلتىرگەن جاعدايدا 1 ملرد م3 دەيىن تاسقىن سۋلاردى جيناقتاۋعا بولادى. سۋ رەسۋرستارى كوميتەتى قارجى مينيسترلىگىنە قاراوزەك ارناسىندا سالىناتىن سۋ قويماسىنىڭ جوبالىق-سمەتالىق قۇجاتىن ازىرلەپ, مەملەكەتتىك ساراپتاما قورىتىندىسىن الۋدى ۇسىندى. اتالعان ماسەلەنىڭ وڭ شەشىمى تابىلعان جاعدايدا قازالى اۋدانىندا 31 مىڭ گا سۋارمالى, 120 مىڭ گا شابىندىق جانە جايىلىمدىق جەردى سۋارمالى سۋمەن تۇراقتى قامتاماسىز ەتۋ, ۆەگەتاتسيالىق كەزەڭدە ارال تەڭىزىنە سۋ جىبەرۋ مۇمكىندىگى ارتادى», دەدى دەپۋتات.
