دەكلاراتسيانى ەلەكتروندى تۇردە تاپسىرۋ مەرزىمى 2023 جىلدىڭ 15 قىركۇيەگىندە اياقتالادى. دەكلاراتسيانى مىنا رەسۋرستاردا تاپسىرۋعا بولادى: salyk.kz «سالىق تولەۋشىنىڭ كابينەتىندە», Egov.kz ەلەكتروندىق ۇكىمەت پورتالىندا جانە e-Salyq Azamat, eGov mobile, HALYK BANK ءموبيلدى قوسىمشالارىندا.
كوپشىلىك اتقاراتىن شارا بولعاننان كەيىن ءىرىلى-ۇساقتى قاتەلىكتەردىڭ كەتەتىنى زاڭدىلىق. وسى رەتتە كوپ ادام مەملەكەتتىك كىرىستەر كوميتەتىنە «مەن 250.00 نىسانداعى دەكلاراتسياعا (جەكە تۇلعانىڭ اكتيۆتەرى مەن مىندەتتەمەلەرى تۋرالى دەكلاراتسيا) اقپاراتتى قاتە ەنگىزدىم, دەرەكتەردى قالاي قايتارۋعا نەمەسە تۇزەتۋگە بولادى؟» دەگەن ساۋال جولداپ جاتىر. مەملەكەتتىك كىرىستەر كوميتەتىنىڭ حابارلاۋىنشا, دەكلاراتسيانى 250.00 ەسەپتىلىك نىسانىن «سالىق تولەۋشىنىڭ كابينەتى» ارقىلى («سالىق وتىنىشتەرى» ءبولىمى, بۇدان ءارى «سالىق ەسەپتىلىگىن كەرى قايتارىپ الۋ تۋرالى ءوتىنىش»); Egov پورتالى («كەدەن جانە سالىقتار» ءبولىمى, «سالىق سالۋ» بولىمشەسى, «دەكلاراتسيانى كەرى قايتارىپ الۋ» قىزمەتى) ارقىلى كەرى قايتارۋعا نەمەسە تۇزەتۋگە بولادى.
دەكلاراتسيانى تولىعىمەن كەرى قايتارۋ كەلەسى جاعدايلاردا جۇزەگە اسىرىلادى: مەرزىمى, ياعني دەكلاراتسيا تاپسىرىلعان ەسەپتى جىلى دۇرىس كورسەتىلمەگەن بولسا جانە دەكلاراتسيانى تاپسىرۋ بويىنشا ءىس جۇزىندە ەشقانداي مىندەتتەمە جوق بولسا.
«ەگەر ءسىز دەكلاراتسيادا قاتە جىبەرىپ, سالىق ورگانىنىڭ كودىن, رەزيدەنتتىك مارتەبەسىن نەمەسە سالىق ەسەپتىلىگىنىڭ ءتۇرىن دۇرىس ەمەس كورسەتكەن بولساڭىز, وندا تۇزەتۋ ءادىسى بويىنشا دەكلاراتسيا كەرى قايتارىپ الىنادى (دەكلاراتسيا جۇيەدە قالادى جانە ونى تابىستاۋ كۇنى وزگەرمەيدى). باسقا جاعدايلاردا, ياعني ءسىز سانداردا قاتە جىبەرگەن مالىمەتتەردى (كىرىستەر, قولما-قول اقشا, جىلجىمالى/جىلجىمايتىن م ۇلىك جانە قازاقستان رەسپۋبليكاسىنان تىسقارى جەرلەردەگى بانكتىك شوتتارداعى اقشا جانە ت.ب. تۋرالى) تولىق كورسەتپەگەن بولساڭىز, ايىرماشىلىقتىڭ سوماسىن نەمەسە كورسەتىلمەگەن اقپاراتتى «قوسىمشا» دەكلاراتسيانى تابىستاۋ ارقىلى تۇزەتە الاسىز», دەلىنگەن كوميتەت جاۋابىندا.
