بيىل 26 مىڭ گەكتار ەگىن ەكتىك. قاپتاعان كيىكتىڭ تاپتاۋىنان 1 500 گەكتار ەگىنىم جارامسىز بولىپ قالدى. كيىك ەگىس القابىنىڭ ءار شەتىندە جۇرەدى. تاپتاعانىڭىز بىلاي تۇرسىن, جەردى تۇياعىمەن تىرمالاپ كەتەدى.
جابايى اڭنان جەردى قورىپ ءجۇرمىز. 40 شاقىرىمعا قورشاۋ قويدىم. مۇنىمنان ەشتەڭە شىقپادى, باسقا بۇرىشتان كەلىپ, كىرەدى. كيىكتەردى قانشا قۋالاساق تا مۇنىمىزدان تۇك شىعار ەمەس. ءپىسىپ تۇرعان بيدايىمىزدىڭ ءدامىن كورگەن الگىلەر تابىنىمەن بىرەسە انا باستان, بىرەسە مىنا باستان كىرىپ كەتەدى. اشىعىن ايتقاندا, بىرنەشە شاقىرىم ەگىس القاپتارىن قورىپ وتىرۋعا شامامىز جوق. بيىل كيىك سانى بىلتىرعىدان الدەقايدا كوبەيدى. جانە ادامنان دا قورىقپايدى. ۇركىتىپ جىبەرگەن كۇننىڭ وزىندە ءارى كەتسە, 200 مەتر ۇزايدى دا تاعى قاراپ تۇرادى. ۇكىمەت قانداي دا ءبىر شارا قابىلداماسا, كيىك ءبىزدى ابدەن شىعىنعا ۇشىراتتى.
كيىكتەردىڭ بىزگە ايتىلىپ جۇرگەن ەسەبى – قۇر جاي سان عانا. مىڭداپ جۇرەدى ءبىر تابىنى. جالعىز ادامنىڭ قولىنان ەشتەڭە كەلمەيدى ەمەس پە؟ اۋدانداعى شارۋا قوجالىقتارى بىرىگىپ, ارنايى چات اشىپ الدىق. سوندا ەگىستىككە كىرگەن كيىكتەردىڭ باعىتى قالاي كەتكەنى, فوتوسىن, ۆيدەوسىن سالىپ وتىرامىز. ءوزىمىز كۇزەتەمىز. كۇنىمىز كۇندىز-ءتۇنى كيىك قۋمەن ءوتىپ جاتىر. «وحوتزووپرومعا» حابارلاسقانىمىزبەن ولار دا كۇندە شاپقىلاي بەرمەيدى.
ءبىزدىڭ شىعىنعا باتقانىمىزدى, بۇل شىر-پىرىمىزدى ءبارى ەستىپ وتىر. الايدا قوزعالىس جوق. وسىدان كەلە استىق قىمباتتايدى. ال ول كىمگە ۇنايدى؟
سەيىتجاپپار نىعمەتوۆ,
«قاينار» جشس ديرەكتورى
قاراعاندى وبلىسى,
نۇرا اۋدانى
