كاسىبي دەڭگەيدى جەتىلدىرۋگە ەلىمىزدىڭ بارلىق وڭىرىنەن ەلۋدەن استام وفيتسەر قاتىستى.
جيىننىڭ باستى ماقساتى - باتالوندىق بۋىن وفيتسەرلەرىنىڭ كاسىبي-لاۋازىمدىق جانە ادىستەمەلىك دايارلىعىنىڭ دەڭگەيىن ارتتىرۋ جانە كۇندەلىكتى قىزمەتكە باسشىلىقتى جانە جاۋىنگەرلىك دايارلىقتى ۇيىمداستىرۋدى رەگلامەنتتەيتىن ىشكى ىستەر مينيسترلىگى مەن ۇلتتىق ۇلاننىڭ قۇقىقتىق اكتىلەرىنىڭ تالاپتارىن بىرىڭعاي تۇسىنۋگە قول جەتكىزۋ.
دارىستەردى وتكىزۋ باعدارلاماسىنداعى ساباق كەستەلەرىنە سايكەس بەس كۇن ىشىندە باتالوندىق بۋىن وفيتسەرلەرىندە اسكەرلەردىڭ قىزمەتتىك-جاۋىنگەرلىك قىزمەتىنىڭ نەگىزگى باسىمدىقتارىن, فۋنكتسيونالدىق مىندەتتەرىن, جالپى اسكەري جارعىلاردى, ونىڭ ىشىندە اتىس, دەنە شىنىقتىرۋ, اسكەري-ينجەنەرلىك دايارلىق, رحبز جانە تەحنيكالىق دايارلىق بويىنشا پراكتيكالىق داعدىلاردى ايقىندايتىن باسشىلىق قۇجاتتار مەن ديرەكتيۆالاردى ءبىلۋ بويىنشا سىناقتار قابىلدانادى. قارۋ-جاراق پەن اسكەري تەحنيكانىڭ, ارنايى قۇرالداردىڭ, بايلانىستىڭ تاكتيكالىق-تەحنيكالىق سيپاتتامالارىن ءبىلۋ, سونداي-اق قاتىسۋشىلارمەن قىزمەتتىك-جاۋىنگەرلىك قولدانۋ تاكتيكاسى, مەملەكەتتىك-قۇقىقتىق, ادىستەمەلىك دايارلىق جانە اسكەري توپوگرافيا بويىنشا تەوريالىق جانە پراكتيكالىق ساباقتار وتكىزىلەدى.
ايتا كەتۋ كەرەك, ساباقتىڭ نەگىزگى بولىگى 3477 اسكەري ءبولىمىنىڭ داعدارىسقا قارسى وقۋ ورتالىعىندا وتەدى. العاشقى كۇنى وفيتسەرلەر تاڭەرتەڭنەن باستاپ دەنە شىنىقتىرۋ, مەملەكەتتىك-قۇقىقتىق دايىندىق, سونداي-اق باسشىلىق قۇجاتتار مەن جالپى اسكەري جارعى بويىنشا سىناقتار تاپسىردى. سودان كەيىن كومانديرلەرمەن «روتالىق تاكتيكالىق وقۋ-جاتتىعۋلاردى دايىنداۋ جانە وتكىزۋ ادىستەمەسى. جاۋىنگەرلىك اتىسپەن تاكتيكالىق وقۋ-جاتتىعۋلاردى دايىنداۋ ەرەكشەلىكتەرى» جانە «لازەرلىك اتۋ جانە اتۋ يميتاتورلارى بار ەكىجاقتى جەكپە-جەكتىڭ ترەناجەرلەرى مەن اتۋ ءتيرىن پايدالانا وتىرىپ, كەشەندى ساباقتاردى دايىنداۋ جانە وتكىزۋ ادىستەمەسى» كورسەتپەلى ساباق وتكىزىلدى.
ال, ەكىنشى كۇنى – داعدارىسقا قارسى وقۋ ورتالىعىنىڭ پوليگونىندا ساردارلار ۇلتتىق ۇلاندا قارۋلانعان ءارتۇرلى پوزيتسيالار مەن قارۋ-جاراق تۇرلەرىن: تاپانشالاردى, اۆتوماتتاردى, مەرگەندىك مىلتىقتاردى, گراناتومەتتەردى جانە قوزعالمايتىن, پايدا بولاتىن جانە قوزعالاتىن نىساندارعا ءىرى كاليبرلى پۋلەمەتتەردى اتۋ بويىنشا ءوز شەبەرلىكتەرىن كورسەتتى. سونداي-اق جاۋىنگەرلىك گراناتا دا لاقتىردى. سونىمەن قاتار, كومانديرلەر اك-1 اۆتوماتى مەن پم-1 تاپانشاسىنان سپورتتىق اتۋدان باق سىنادى. ساباقتىڭ ماقساتى – كومانديرلەر كەيىننەن باعىنىشتى جەكە قۇراممەن وسىنداي ساباقتار وتكىزۋى ءۇشىن ءبىلىم مەن داعدىلاردى جيناۋ. ودان كەيىن ءارى باتالون بۋىنىنىڭ كومانديرلەرى ءۇشىن «باتالوننىڭ دالالىق شىعۋىن ۇيىمداستىرۋ جانە وتكىزۋ ادىستەمەسى» جانە «جەكە قۇرام مەن تەحنيكاعا ارنالعان ترانشەيالاردى, وت جاعۋعا ارنالعان قۇرىلىستاردى جانە باسپانالاردى (قولدا بار ماتەريالدار مەن تابەلدىك قۇرالداردان جاسالعان دالالىق قۇرىلىستاردى) سالۋ, جابدىقتاۋ جانە بۇركەمەلەۋ» تاقىرىپتارىندا كورنەكى ساباقتار ۇسىنىلدى. سونىمەن قاتار, وفيتسەرلەر دالا لاگەرىن قۇرۋ ەرەجەلەرىمەن جاقىنىراق تانىسىپ, بەكىنىستىڭ زاماناۋي ۇلگىلەرىن كوردى. بۇدان ءارى توتەنشە جاعداي ەنگىزۋ جاعدايىندا اسكەري جاساقتار مەن ۇلتتىق ۇلان بولىمشەلەرىنىڭ قىزمەتتىك قولدانىلۋى ايقىن كورسەتىلدى.
جيىن جەتەكشىسى, ۇلتتىق ۇلان باس قولباسشىسىنىڭ ورىنباسارى گەنەرال-مايور باۋىرجان ءابجانوۆتىڭ ايتۋىنشا, جيىنداردىڭ مىندەتتەرى لاۋازىمدى تۇلعالاردىڭ كاسىبي دەڭگەيىن ارتتىرۋ بويىنشا بىرىڭعاي ءتاسىلدى ازىرلەۋ, وزىق تاجىريبەمەن الماسۋ, كومانديرلەردىڭ اتىس, دەنە شىنىقتىرۋ جانە ادىستەمەلىك دايارلىعىن تەكسەرۋ بولدى.
«بۇل پراكتيكالىق ساباقتار باتالون بۋىنىن دايىنداۋ تۇرعىسىنان ماڭىزدى كەزەڭ بولىپ تابىلادى. وسىنداي ساباقتاردىڭ ارقاسىندا وفيتسەرلەر وزدەرىنىڭ فۋنكتسيونالدىق مىندەتتەرىن شەبەر جانە سەنىمدى ورىنداۋ ءۇشىن كاسىبي دايىندىقتى جەتىلدىرەدى. ءبىزدىڭ جوعارعى باس قولباسشىمىز قاسىم-جومارت توقاەۆ «باتىل تويتارىس – 2023» جاتتىعۋىندا: ء«بىزدىڭ اسكەرىمىز كاسىبي دەڭگەيى جوعارى, ۇتقىر جانە ەڭ كۇردەلى جاۋىنگەرلىك تاپسىرمالاردى ورىنداۋعا دايىن بولۋى قاجەت» دەگەن بولاتىن. سوندىقتان بىزگە جۇكتەلگەن تاپسىرمالاردى مۇلتىكسىز ورىنداپ شىعۋ ءۇشىن ءۇشىن ءاربىر وفيتسەرىمىز ءوز ءىسىن كاسىبي دەڭگەيدە مەڭگەرۋى قاجەت. سول سەبەپتى جوعارعى باس قولباسشىنىڭ, ىشكى ىستەر ءمينيسترى مەن ۇلتتىق ۇلان باس قولباسشىسىنىڭ تالابىنا وراي جاڭا فورماتتا ۇلتتىق ۇلاننىڭ جەكە قۇرامى مەن كومانديرلەرىنىڭ جاۋىنگەرلىك دايارلىعىن شىڭداۋدامىز», دەپ اتاپ ءوتتى گەنەرال-مايور ب.ءابجانوۆ.
«باتالون كومانديرلەرىنە جوعارى ساپاداعى ءبىلىم بەرىلىپ, زاماناۋي تەحنيكالاردى قولدانۋ ءتارتىبى ءتۇسىندىرىلىپ جاتىر. بۇدان بولەك بىلىكتى اسكەري قىزمەتشىلەر جىلدار بويى جيناعان تاجىريبەلەرىمەن ءبولىسىپ جاتىر. بۇگىن اتىس الاڭىندا ءارتۇرلى قارۋ تۇرلەرىنەن وق اتۋ بويىنشا سىناق تاپسىرىپ جاتىرمىز. ولاردىڭ اراسىندا ءبىزدىڭ باتالوندارعا جاڭادان بەرىلەتىن نسۆپ قارۋىنان وق اتتىق. جاڭا تاكتيكالار بويىنشا قولدانىلاتىن وزگە دە قارۋ تۇرلەرىنەن وق اتىپ ماشىقتانىپ جاتىرمىز. وسى وقۋ-ادىستەمەلىك جيىن بارىسىندا ۇيرەنگەن, بىلگەندەرىمىزدى ءوز باتالوندارىمىزعا ورالعان سوڭ جەكە قۇرامعا ۇيرەتەمىز», دەدى 6655 اسكەري ءبولىمىنىڭ جەدەل ماقساتتاعى 1 باتالون كومانديرى كاپيتان سەيىتجان قالباي.
ء«وزىمىزدىڭ كاسىبي دەڭگەيىمىزدى كوتەرۋ ماقساتىندا ۇلتتىق ۇلان بازاسىندا بار قارۋ-جاراق تۇرلەرىنەن وق اتۋ شەبەرلىكتەرىمىزدى شىڭداپ جاتىرمىز. وسى ارقىلى اسكەرىمىزدىڭ ساپالى ءارى مىقتى بولۋىنا اتسالىسامىز. جيىن بارىسىندا ءبىز ءۇشىن ەشقانداي قيىندىق تۋىنداعان جوق. بارلىق قارۋ تۇرلەرىن باتالون كومانديرلەرى شەبەر يگەرىپ, قابىلەتتەرىن ارتتىردى», دەدى 5571 اسكەري ءبولىمىنىڭ 4 جەدەل ماقساتتاعى باتالونىنىڭ كومانديرى مايور تولەبي بەرىكباەۆ.
ايتا كەتەيىك, كومانديرلەر ەرتەڭ جاۋىنگەرلىك تەحنيكادان اتۋ بويىنشا پراكتيكالىق ساباققا قاتىسادى. ال 15 قىركۇيەكتە جيىن قورىتىندىلانىپ, ۇزدىك وفيتسەرلەر ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى گەنەرال-لەيتەنانت ەركىن بوتاقانوۆتىڭ اتىنان گراموتالارمەن جانە باعالى سىيلىقتارمەن ماراپاتتالادى.
