عىلىم جانە جوعارى ءبىلىم ۆيتسە-ءمينيسترى تاعايىندالدى

دارحان احمەد-زاكي 1981 جىلى شىعىس قازاقستان وبلىسىندا دۇنيەگە كەلگەن. 

ءال-فارابي اتىنداعى قازاق مەملەكەتتىك ۋنيۆەرسيتەتىن, ق. ساتباەۆ اتىنداعى قازاق مەملەكەتتىك تەحنيكالىق ۋنيۆەرسيتەتىن بىتىرگەن.

ەڭبەك جولىن 2002 جىلى الماتى قالاسىنداعى رەسپۋبليكالىق مەديتسينا كوللەدجىندە فيزيكا جانە ماتەماتيكا پاندەرىنىڭ وقىتۋشىسى بولىپ باستاعان.

2003 جىلى جاڭاوزەن قالاسىندا «قازاقويل» جاق تەحنولوگيالىق زەرتتەۋلەر ورتالىعىنىڭ ينجەنەر-باعدارلاماشىسى بولىپ جۇمىس ىستەدى.

2004-2012 جىلدارى – ءال-فارابي اتىنداعى قازۇۋ مەحانيكا-ماتەماتيكا فاكۋلتەتىنىڭ اسسيستەنتى, وقىتۋشىسى, اعا وقىتۋشىسى, دوتسەنتى, دەكاننىڭ وقۋ-تاربيە جۇمىسى جونىندەگى ورىنباسارى, «ينفورماتيكا» كافەدراسىنىڭ مەڭگەرۋشىسى. 

2012-2013 جىلدارى – ءال-فارابي اتىنداعى قازۇۋ مەحانيكا-ماتەماتيكا فاكۋلتەتىنىڭ دەكانى. 

2013-2016 جىلدارى – ءال-فارابي اتىنداعى قازۇۋ وقۋ جۇمىسى جونىندەگى پرورەكتور.

2016-2017 جىلدارى – قر ءبىلىم جانە عىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى.

2017-2020 جىلدارى – حالىقارالىق بيزنەس ۋنيۆەرسيتەتىنىڭ پرەزيدەنتى.

2020-2022 جىلدارى – Astana IT University رەكتورى قىزمەتىندە بولدى.

2022 جىلدىڭ 1 قاراشاسىنان باستاپ قازىرگى ۋاقىتقا دەيىن قر عىلىم جانە جوعارى ءبىلىم مينيسترلىگىنە قاراستى عىلىم كوميتەتىنىڭ توراعاسى قىزمەتىن اتقاردى.