فوتو: https://kazakhcinema.kz/
الماتى كينوستۋدياسى 1941 جىلى قازاق كسر حالىق كوميسسارلارى كەڭەسىنىڭ قاۋلىسىمەن قۇرىلعان ەدى. كەيىن 1960 جىلى اتاۋى «قازاقفيلم» كينوستۋدياسى دەپ وزگەرتىلىپ, 1984 جىلى وعان قازاق كينەماتوگرافياسىنىڭ كەمەڭگەر قايراتكەرى شاكەن ايمانوۆتىڭ ەسىمى بەرىلدى.
بۇگىندە وتاندىق كينو سالاسى قارقىندى دامىپ جاتىر. سالالىق زاڭنىڭ قابىلدانۋى, ۇلتتىق كينونى قولداۋ ورتالىعىنىڭ قۇرىلۋى, قازاقستان باستاماشى بولعان كينوفەستيۆالدەردىڭ جاڭا ساپالىق دەڭگەيگە شىعۋى, قازاق فيلمدەرىنىڭ الەمدىك كينوفورۋمداردا مويىندالۋى جانە جوعارى ماراپاتتار الۋى – مۇنىڭ بارلىعى وتاندىق كينەماتوگرافتىڭ ۇلكەن الەۋەتىن بىلدىرەدى.
