مەملەكەت باسشىسىنا SINOPEC كومپانياسىنىڭ ەلىمىزدەگى قىزمەتىنىڭ قورىتىندىسى جانە الداعى كەزەڭگە ارنالعان جوسپارى جونىندە مالىمەت بەرىلدى.
اڭگىمەلەسۋ بارىسىندا گەولوگيالىق بارلاۋ جانە مۇناي-گاز حيمياسى ونىمدەرىن ءوندىرۋ سالالارىنداعى ىنتىماقتاستىق پەرسپەكتيۆالارى تالقىلاندى.
پرەزيدەنت وتاندىق كومپانيالاردىڭ SINOPEC كورپوراتسياسىمەن ءوزارا ءىس-ارەكەتى قازاقستان مەن قىتايدىڭ ستراتەگيالىق سەرىكتەستىگىن نىعايتۋعا ىقپال ەتەتىنىنە سەنىم ءبىلدىردى.
سونىمەن قاتار قاسىم-جومارت توقاەۆ ەنەرگەتيكا جانە حيميا سالالارىنداعى بىرلەسكەن جوبالاردى جۇزەگە اسىرۋ كەزىندە سۋ ۇنەمدەيتىن تەحنولوگيالاردى ەنگىزۋ ماڭىزدى ەكەنىنە نازار اۋداردى.
