جولداۋدا قازاقستان ەكونوميكاسىن دامىتۋدىڭ الداعى ستراتەگياسى بەلگىلەندى. بۇدان بولەك, پرەزيدەنت باستامالارى ەكونوميكانىڭ بىرقاتار سالاسىنىڭ جاڭا ەرەجەلەرىن ۇسىنىپ وتىر. سونىڭ ارقاسىندا اتقارۋشى بيلىك جۇيەسى, ورتالىق پەن وڭىرلەر اراسىنداعى قارىم-قاتىناس وزگەرەدى, سالىقتىق ىنتالاندىرۋدىڭ, نورماتيۆتىك-قۇقىقتىق رەتتەۋدىڭ, ينۆەستورلارمەن ءوزارا ءىس-قيمىلدىڭ جاڭا شارالارى ەنەدى. جاڭا جولداۋ ەكونوميكالىق ماسەلەلەردى شەشۋگە باعىتتالسا دا, وندا الەۋمەتتىك سيپاتتاعى ماڭىزدى باستامالار بار. اتاپ ايتقاندا, جالاقىنى كوتەرۋ, جۇمىسپەن قامتۋ, بالالار قاۋىپسىزدىگى, ءبىلىم الۋداعى تەڭدىك, ت.ب.
مەملەكەت باسشىسىنىڭ قوعامدا قىزۋ تالقىلانىپ جاتقان اەس سالۋعا قاتىستى ماسەلەنى رەسپۋبليكالىق رەفەرەندۋمعا شىعارۋ تۋرالى ۇسىنىسىنا ەرەكشە نازار اۋدارۋ قاجەت. بۇل پرەزيدەنتتىڭ «حالىق ۇنىنە قۇلاق اساتىن مەملەكەت» جانە ادىلەتتى قازاقستان قاعيداتتارىن بەرىك ۇستانىپ وتىرعانىن كورسەتەدى. جالپى, جولداۋدا كوپ باعىتتى قامتيتىن جانە الەۋمەتتىك-ەكونوميكالىق رەفورمالاردىڭ بىرىڭعاي جۇيەسىن قۇرايتىن جۇزدەن استام ءتۇرلى يدەيا مەن ۇسىنىس ايتىلدى.
ەرلان قارين,
مەملەكەتتىك كەڭەسشى
