فوتو: time.kz
قاراعاندى وبلىسىنداعى كەي مەكتەپتەردە 7-11 سىنىپ وقۋشىلارى 6 كۇن وقيدى. بۇل ەكىنشى اۋىسىمداعى ساباقتار كەش اياقتالاتىن ءبىلىم وشاقتارىندا بولادى. ال 1-6 سىنىپ وقۋشىلارى بەس كۇن وقيدى.
«بالام بيىل مەكتەپ بىتىرەدى. جوو-عا تۇسۋگە دايىندالۋىمىز كەرەك. سەنبىدە بالام ۋنيۆەرسيتەتكە ءتۇسۋ ءۇشىن قوسىمشا كۋرستاردان وتەدى دەپ جوسپارلادىق. وبلىستىڭ ءبىلىم باسقارماسى وقۋ-اعارتۋ مينيسترلىگىنىڭ بۇيرىعىن نەگە بۇزادى؟» دەگەن تۇرعىدا اتا-انالار شاعىمدانعان.
ء«بىرىنشى اۋىسىم ساباقتارى ساعات 8.00-دە باستالىپ, 14.05-تە اياقتالادى (7 ساباق). ەكىنشى اۋىسىم 14.45-تە باستالىپ, 20.50-دە بىتەدى (7 ساباق). بىلتىرعى وقۋ جىلىندا ەكىنشى اۋىسىم وقۋشىلارىنىڭ اتا-انالارى ساباقتىڭ قاراڭعى ءتۇسىپ كەتكەن ۋاقىتتا اياقتالۋىنا نارازىلىقتارىن ءبىلدىرىپ, قىس ايلارىندا ءتىپتى قيىن ەكەنىن ايتتى. وسىعان بايلانىستى 7, 8, 9, 10 جانە 11 سىنىپتاردىڭ وقۋ ساباقتارىن 6 كۇنگە ءبولۋ تۋرالى شەشىم قابىلداندى», دەپ مالىمدەدى قاراعاندى وبلىسىنىڭ ءبىلىم باسقارماسى.
