شاحمات, دويبى, توعىزقۇمالاق ءتارىزدى اقىل-ويعا سالماق تۇسىرەتىن سوزجۇمباق شەشۋ سايىسى العاش رەت وتكىزىلىپ وتىرعاندىقتان, ارداگەرلەر ەرەكشە قىزىعۋشىلىق تانىتتى. اتالعان ءىس-شارانى تاراز قالالىق ارداگەرلەر كەڭەسىنىڭ توراعاسى كۇلاش ابدىكەشوۆا اشتى.
– قالالىق ارداگەرلەر كەڭەسى قاريالاردىڭ قوعامنان تىسقارى قالماۋىنا نازار اۋدارىپ, ءتۇرلى ءىس-شارالار ارقىلى ولاردىڭ باسىن بىرىكتىرىپ وتىرۋدى كوزدەپ وتىرادى. بۇگىنگى وتكىزگەلى وتىرعان ءىس-شارا سونداي يگىلىكتى ىستەردىڭ ءبىرى, – دەدى كۇلاش امەدياقىزى.
سونداي-اق ول زياتكەرلىك سوزجۇمباق سايىسىنا باستاماشىلىق تانىتىپ, ۇيىمداستىرا بىلگەن ارداگەرلەر كەڭەسىنىڭ بەلسەندى مۇشەسى الدابەردى ماقاشەۆقا العىسىن ءبىلدىردى.
ءىس-شارانىڭ اشىلۋىنا قاتىسقان جامبىل وبلىستىق ارداگەرلەر كەڭەسىنىڭ توراعاسى ەركىمبەك سولتىباەۆ «بەلسەندى ۇزاق ءومىر ءسۇرۋ» باعدارلاماسى اياسىندا ءوتىپ وتىرعان ىزگىلىكتى ءىس-شارانىڭ تىڭنان باستالىپ وتىرعانىن ايتا كەلىپ, سايىسقا قاتىسۋشىلارعا ساتتىلىك تىلەدى.
مۇنان سوڭ سايىس تورەشىسى, قالالىق ارداگەرلەر كەڭەسى توراعاسىنىڭ ورىنباسارى مالتابار جامانباەۆ قاتىسۋشىلارعا سايىس شارتتارىن تانىستىردى.
سونىمەن سايىس ناتيجەسىندە ساتىبالدى دوسىمبەكوۆ, نۇرجامال پىراليەۆا ءۇشىنشى ورىندى, امانقۇل يسقاقوۆ, حانىمكۇل بەسىنباي ەكىنشى ورىندى يەلەنسە, سوزجۇمباقتىڭ شەشۋىن تولىق تابا بىلگەن ارداگەرىمىز ءتاسىلىم قوجاتاەۆ ءبىرىنشى ورىندى جەڭىپ الدى. جەڭىمپازدار ديپلومدارمەن ماراپاتتالىپ, باعالى سىيلىقتارعا يە بولدى.
ساۋرانبەك جامالبەكوۆ,
تاراز قالالىق ارداگەرلەر كەڭەسىنىڭ
جاۋاپتى حاتشىسى
