كوللاجدى جاساعان زاۋرەش سماعۇل, «ەQ»
بولجامدار بويىنشا وسى عاسىردىڭ ورتاسىنا تامان جەر بەتىندەگى ادام سانى 9 ميللياردتان اسادى. بۇل ازىق-ت ۇلىك ءوندىرىسىنىڭ كولەمىن ۇلعايتىپ قانا قويماي, ونىڭ تارالۋى مەن حالىقتىڭ بارلىق توبىنا ءادىل ءبولىنۋىن قامتاماسىز ەتۋ ماسەلەسىن قيىنداتادى. سونىمەن قاتار كليماتتىڭ وزگەرۋى تىكەلەي اۋىل شارۋاشىلىعىنا اسەر ەتەدى. كەيىنگى كەزدە قۋاڭشىلىق جانە سۋ باسۋ سياقتى تابيعاتتىڭ قاتاڭ قۇبىلىستارى دا جيىلەپ كەتتى. بۇل رەتتە «Freedom Finance Global» ساراپشىسى ەلدار شاكەنوۆ كەلەڭسىزدىكتەرگە قاراماستان, اۋىل شارۋاشىلىعىنىڭ الەۋەتى وتە جوعارى دەپ باعامدايدى.
«نەگىزگى ارتىقشىلىقتاردىڭ ءبىرى – اۋىل شارۋاشىلىعىندا ورنىقتىلىق پەن تەحنولوگيانى دامىتۋ. «اقىلدى» اۋىل شارۋاشىلىعى, سەنسورلاردى جانە دەرەكتەردى تالداۋدى پايدالانۋ شىعىنداردى ازايتۋعا, كىرىستى جاقسارتۋعا جانە رەسۋرستاردى وڭتايلاندىرۋعا كومەكتەسەدى. ازىق-ت ۇلىك وندىرىسىندە يننوۆاتسيا ماڭىزدى ءرول اتقارادى. جاساندى ەت جانە ءسۇت ونىمدەرىن, سونداي-اق اقۋىزدىڭ بالامالى كوزدەرىن جاساۋ مۇمكىندىگى وسى سالاداعى ينۆەستورلار ءۇشىن جاڭا كوكجيەكتى اشادى. بۇكىل الەم بويىنشا ازىق-ت ۇلىكتى ءتيىمدى تاراتۋدى قامتاماسىز ەتەتىن زاماناۋي ساقتاۋ جانە لوگيستيكالىق جۇيەلەردى دامىتۋعا دا كوپ كوڭىل ءبولىنىپ جاتىر. ازىق-ت ۇلىككە دەگەن سۇرانىس ەشقاشان ازايمايدى. سوندىقتان وسى سالاداعى ماڭىزدى اكتسيالاردى قاراستىرىپ ءوتۋدىڭ دە ارتىعى بولمايدى», دەيدى ساراپشى.
«Andersons, Inc.» (ANDE) – اۋىل شارۋاشىلىعى تاۋارلارىنىڭ (بيداي, تىڭايتقىش, جەم) ءوندىرىسى مەن ساۋدا-ساتتىعىنا ماماندانعان ارتاراپتاندىرىلعان كومپانيا. جەكەلەگەن وڭىرلەردە بولشەك ساۋدامەن دە اينالىسادى.
اپسايد (كۇتىلەتىن ءوسىم) – 53 دوللار دەڭگەيىندەگى ورتاشا ماقساتتى باعانىڭ 10 پايىزى. كومپانيا جەتكىزۋ تىزبەگىنىڭ ءتۇرلى كەزەڭىن باقىلاپ, ۇلكەن يكەمدىلىك پەن مارجانى قامتاماسىز ەتەدى. حالىق سانىنىڭ كوبەيۋى جانە ازىق-ت ۇلىككە دەگەن قاجەتتىلىكتىڭ ارتۋىنا بايلانىستى كومپانيا نارىق اۋقىمىن كەڭەيتتى جانە ساتىلىمدى ارتتىردى. سونداي-اق كومپانيا لوگيستيكا مەن وندىرىستە يننوۆاتسيالىق شەشىمدەردى بەلسەندى ەنگىزەدى. بۇل ءوز كەزەگىندە بيزنەس وسىمىنە اسەر ەتىپ, وپەراتسيالاردىڭ تيىمدىلىگىن جاقسارتادى.
«Performance Food Group Co» (PFGC) – مەيرامحانا, كافە جانە دۇكەندەرگە تاماق ونىمدەرىن جەتكىزۋمەن اينالىساتىن كومپانيا. جاڭا, ۇزاق ساقتالاتىن جانە باسقا دا ونىمدەردىڭ كەڭ اسسورتيمەنتىنە يە.
اپسايد – 71 دوللار دەڭگەيىندەگى ورتاشا ماقساتتى باعانىڭ 18 پايىزى. PFGC – اقش-تىڭ HoReCa-سەگمەنتىندەگى تاماق ونىمدەرىنىڭ نەگىزگى جەتكىزۋشىسى جانە بيزنەس ءوسىمى مەن تۇراقتى تاپسىرىستاردى قامتاماسىز ەتىپ وتىر. ولار الدەقايدا سالاماتتى جانە ەكولوگيالىق تازا نۇسقالاردى كوبىرەك قوسا وتىرىپ ساتىلىم جەلىسىن بەلسەندى تۇردە كەڭەيتەدى. كومپانيا شىعىنداردى ازايتۋ جانە مارجانى جاقسارتۋ ءۇشىن تەحنولوگيالار مەن قورلاردى باسقارۋ جۇيەلەرىنە ينۆەستيتسيا سالادى.
«Archer-Daniels-Midland Co» (ADM) – داقىلداردى وڭدەۋگە جانە ازىق-ت ۇلىك ينگرەديەنتتەرىنە ماڭىز بەرەتىن جاھاندىق كومپانيا. سونىمەن بىرگە اۋىل شارۋاشىلىعى ونىمدەرىنىڭ ساۋداسىمەن دە اينالىسادى.
اپسايد – 95 دوللار دەڭگەيىندەگى ورتاشا ماقساتتى باعانىڭ 18 پايىزى. كومپانيا بۇكىل الەم بويىنشا وپەراتسيالىق قىزمەت كورسەتۋمەن اينالىسادى جانە جاھاندىق ازىق-ت ۇلىك نارىعىندا ايرىقشا ورنى بار. ولار كليەنتتىك بازاسىن كەڭەيتىپ, تاۋەكەلدەردى ازايتاتىن ءارالۋان تاعامدىق ينگرەديەنتتەردى ۇسىنادى. تيىمدىلىكتى ارتتىرۋعا جانە شىعىنداردى ازايتۋعا كومەكتەسەتىن اۋىل شارۋاشىلىعى جانە بيوتەحنولوگيا سالاسىنداعى يننوۆاتسيالاردى بەلسەندى تۇردە زەرتتەيدى جانە ەنگىزەدى.
«Tyson Foods, Inc.» (TSN) – اقش-تاعى ەت ونىمدەرىنىڭ ءىرى ءوندىرۋشىسى. نەگىزگى باعىتى – ەت ونىمدەرىنىڭ ءوندىرىسى مەن ساتىلىمى.
اپسايد – 56,4 دوللار دەڭگەيىندەگى ورتاشا ماقساتتى باعانىڭ 10 پايىزى. بۇگىندە ەت ونىمدەرى نارىعىنىڭ ايتارلىقتاي ۇلەسىن باقىلاپ, ءىرى بولشەك ساۋدا جەلىلەرىمەن تىعىز بايلانىس ورناتىپ وتىر. بۇل كومپانيانىڭ ورنىقتى سۇرانىسى مەن كۇشتى پوزيتسياسىنا مۇمكىندىك بەرەدى. كومپانيا جاڭا سويىلعاننان مۇزداتىلعانعا دەيىنگى ەت ونىمدەرىنىڭ كەڭ اسسورتيمەنتىن ۇسىنادى.
«Mondelez International, Inc.» (MDLZ) – كونديتەرلىك ونىمدەر مەن تىسكەباسارلار وندىرىسىندەگى كوشباسشى كومپانيا. ولار كوپشىلىككە «Oreo», «Cadbury», «Milka» ماركالارىمەن تانىمال.
Aپسايد – 81,4 دوللار دەڭگەيىندەگى ورتاشا ماقساتتى باعانىڭ 13 پايىزى. ءارتۇرلى نارىعىندا اۋقىمدى تۇتىنۋشىلىق اۋديتورياسى بار, سول سەبەپتى دە جەتەكشى پوزيتسياعا يە. ولاردىڭ قۋاتتى ديستريبيۋتورلىق جەلىلەرى الەمنىڭ كەز كەلگەن وڭىرىنە تاۋار جەتكىزۋگە جاعداي جاسايدى. تۇتىنۋشىلار اراسىندا مويىندالۋ مەن تانىمالدىلىققا يە بولۋ كومپانيا ونىمدەرىنە تۇراقتى سۇرانىس پەن پايدا اكەلەدى.
«مىنە, تاماق ونىمدەرىنە قارجى قۇيۋ وسىلايشا ينۆەستورلار ءۇشىن تارتىمدى بولىپ تۇرعان جايى بار. ويتكەنى ازىق-ت ۇلىككە دەگەن سۇرانىس اركەز جوعارى. جوعارىدا اتالعان كومپانيالاردىڭ نارىقتاعى جەتەكشى پوزيتسيالارعا, يننوۆاتسيالىق تاسىلدەرگە جانە ارتاراپتاندىرىلعان ءونىم جەلىلەرىنە نەگىزدەلگەن كۇشتى ينۆەستيتسيالىق ۇستانىمدارى بار. الايدا كەز كەلگەن ينۆەستيتسيا سەكىلدى بۇل سالانىڭ دا الەۋەتتى مۇمكىندىكتەرى مەن تاۋەكەلدەرىن ەسكەرۋ كەرەك. سودان كەيىن عانا شەشىم قابىلداپ, سالعان سالىمنان تابىس تابا باستاۋعا بولادى», دەيدى ە.شاكەنوۆ.
