بۇل قوزعالىستىڭ باستامالارىن اتالعان وقۋ ورنى ديرەكتورىنىڭ تاربيە ءىسى جونىندەگى ورىنباسارى ايدار كۇنتۋباي مەن نازگۇل بۇتاباەۆا, بايان شوقانوۆا, ءۇمىت تۇرسىنبەكقىزى, داناگۇل چاينۋسيپوۆا, قازىنا شوكەنوۆا سىندى وقىتۋشىلار ۇيىمداستىرادى.
ەرىكتىلەر بۇعان دەيىن №1 وبلىستىق بالالار ۇيىندە كوپتەگەن ءىس-شارا وتكىزىپ, بالالار مەن مەكەمە قىزمەتكەرلەرىنە ۇلكەن قۋانىش سىيلادى. سونداي-اق قوقىس جيناۋ سياقتى اكتسيالاردى دا وتكىزىپ, ازاماتتاردىڭ ەكولوگيالىق مادەنيەتىن قالىپتاستىرۋعا ۇلەس قوسىپ ءجۇر. سونىمەن قاتار سالاماتتى ءومىر سالتىن ۇستانۋعا شاقىراتىن سپورتتىق ۆولونتەرلىك جۇمىستاردى بەلسەندى تۇردە جۇرگىزىپ كەلەدى.
مۇعالىمدەردەن قۇرالعان «جۇرەكتەن جۇرەككە» ەرىكتىلەر قوزعالىسىنىڭ تاعى ءبىر ەرەكشەلىگى – ءۇي-كۇيسىز, قاڭعىباس جانۋارلارعا كومەكتەسۋدەن دە قالىس قالمايدى. كۇن سايىن مىڭداعان جانۋار كوشە كەزىپ, ۋاقىتشا ۇستاۋ يزولياتورىنا قامالادى. وسى رەتتە ولار كوپشىلىكتى جانۋارلارعا جاۋاپكەرشىلىكپەن قاراۋعا شاقىرىپ, قورعانسىز تىرشىلىك يەلەرىنىڭ قاتىگەز ورتانىڭ قۇربانىنا اينالۋدان قۇتقارادى.
شاكىرت تاربيەلەيتىن مامانداردىڭ وسىنداي يگى ىستەرى – جاستارعا ونەگە. قالاي دەگەنمەن جاقسىلىق جاساپ ۇلگى كورسەتكەن بۇل قوزعالىستىڭ قولعا العان جۇمىسى جالعاسادى دەپ سەنەمىز.
ارۋجان تالاپقىزى,
م.وتەمىسوۆ اتىنداعى باتىس قازاقستان ۋنيۆەرسيتەتىنىڭ 4-كۋرس ستۋدەنتى
