فوتو: 365info.kz
ەلدەگى العاشقى اتوم ەلەكتر ستانتسياسى ءۇشىن ۇقساس ستانتسيانى سالۋ جانە ءساتتى پايدالانۋ تاجىريبەسىندە تەكسەرىلگەن تەحنولوگيانى تاڭداۋ ۇسىنىلدى. وسىعان بايلانىستى يادرولىق تەحنولوگيالاردىڭ مىناداي الەۋەتتى جەتكىزۋشىلەرىنەن تۇراتىن «قىسقاشا-ءتىزىم» جاسالدى:
- HPR-1000 قىتايلىق CNNC كومپانياسى;
- APR-1400 رەاكتورى بار كورەي KHNP كومپانياسى;
- ۆۆەر-1200 جانە ۆۆەر-1000 رەاكتورلارى بار رەسەي روساتوم كومپانياسى;
- EPR-1200 رەاكتورى بار فرانتسۋز EDF كومپانياسى.
زەرتتەۋ ناتيجەلەرى 2022 جىلعى مامىردا اتوم سالاسىن دامىتۋ جونىندەگى ۆەدومستۆوارالىق كوميسسيانىڭ وتىرىسىندا قارالعان جانە ماقۇلدانعان.
«اتوم ەنەرگياسىن پايدالانۋ تۋرالى» قازاقستان رەسپۋبليكاسى زاڭىنىڭ 12-بابىنا سايكەس يادرولىق قوندىرعىلاردى سالۋ جانە سالۋ اۋدانى تۋرالى شەشىمدى اۋماعىندا قوندىرعى سالۋ جوسپارلانىپ وتىرعان جەرگىلىكتى وكىلدى ورگانداردىڭ كەلىسىمىمەن قازاقستان رەسپۋبليكاسىنىڭ ۇكىمەتى قابىلدايدى. بۇل رەتتە ءماسليحات جەرگىلىكتى وكىلدى ورگان بولىپ ەسەپتەلەدى.
وسىعان بايلانىستى, 2022 جىلعى قاراشادا الماتى وبلىسى ءماسليحاتىنىڭ كەزەكتى سەسسياسىندا اۋدان تۇرعىندارىن قولداۋ شارتىمەن قۇرىلىسقا كەلىسىم بەرۋ تۋرالى شەشىم قابىلداندى.
وسى ورايدا, الماتى وبلىسىنىڭ اكىمدىگى حالىق اراسىندا جاريا تالقىلاۋلار وتكىزەدى, Facebook پاراقشاسىندا, سونداي-اق 2023 جىلدىڭ 21 شىلدەسىندە رەسمي سايتتا, Instagram-كانالدا جانە جامبىل اۋدانى اكىمدىگىنىڭ Facebook پاراقشاسىندا جانە بۇقارالىق اقپارات قۇرالدارى ارقىلى, اتاپ ايتقاندا اتامەكەن گازەتىندە (№28) قاتىسۋعا شاقىرىلعان ءتيىستى حابارلاندىرۋلار جاريالاندى.
بۇل رەتتە ەكولوگيالىق كودەكسكە سايكەس وتكىزىلەتىن قوعامدىق تىڭداۋلار جوبالىق قۇجاتتاما ازىرلەنگەننەن كەيىن جوبانى ەكولوگيالىق باعالاۋ كەزەڭدەرىندە كەيىنىرەك باستاماشىلىق ەتىلەتىن بولادى.
كەستە–قوعامدىق تالقىلاۋلار مەن قوعامدىق تىڭداۋلار اراسىنداعى ايىرماشىلىق:
|
قوعامدىق تالقىلاۋلار |
قوعامدىق تىڭداۋلار |
|
ماقساتى – جەرگىلىكتى حالىقتىڭ ءوز اۋماعىندا اەس سالۋ ماسەلەسىنە قاتىناسىن تالقىلاۋ جانە انىقتاۋ. انىقتاما:ء ماسليحاتتىڭ ۇلگىلىك رەگلامەنتىنىڭ 52-تارماعىنا سايكەس (قازاقستان رەسپۋبليكاسى پرەزيدەنتىنىڭ 2013 جىلعى 3 جەلتوقسانداعى № 704 جارلىعىمەن بەكىتىلگەن) ءماسليحاتتىڭ تۇراقتى كوميسسيالارى ءوز باستاماسى نەمەسە ءماسليحاتتىڭ شەشىمى بويىنشا جاريا تالقىلاۋلار جۇرگىزە الادى. جاريا تالقىلاۋلار دەپۋتاتتاردىڭ, اتقارۋشى ورگانداردىڭ, جەرگىلىكتى ءوزىن-ءوزى باسقارۋ ورگاندارىنىڭ, ۇيىمداردىڭ, بۇقارالىق اقپارات قۇرالدارىنىڭ, ازاماتتاردىڭ قاتىسۋىمەن وسى كوميسسيالاردىڭ كەڭەيتىلگەن وتىرىستارى نىسانىندا تۇراقتى كوميسسيالاردىڭ قاراۋىنا جاتقىزىلعان نەعۇرلىم ماڭىزدى جانە قوعامدىق ماڭىزى بار ماسەلەلەردى تالقىلاۋ ماقساتىندا وتكىزىلەدى. |
ماقساتى – اەس قۇرىلىسى بويىنشا جوبالىق قۇجاتتامانى باعالاۋ.
انىقتاما: قازاقستان رەسپۋبليكاسى ەكولوگيالىق كودەكسىنىڭ 96-بابىنا جانە قوعامدىق تىڭداۋلار وتكىزۋ قاعيدالارىنىڭ 2-تاراۋىنىڭ 6-تارماعىنا سايكەس اەس قۇرىلىسى جوباسىن ەكولوگيالىق باعالاۋدىڭ بارلىق كەزەڭدەرىندە وتكىزىلۋى مۇمكىن (بەكىتىلگەن قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار ءمينيسترىنىڭ م. ا. 2021 جىلعى 3 تامىزداعى № 286 بۇيرىعىمەن).
|
اەس سالۋ ماسەلەسى بويىنشا جوبانى ىسكە اسىرۋ كەزەڭدەرى:
1) اەس ورنالاستىرۋ اۋدانىن تاڭداۋ بويىنشا زەرتتەۋ جۇرگىزۋ;
2) قوعامدىق تالقىلاۋلار;
3) ءماسليحاتتىڭ كەلىسىمى;
4) ورنالاستىرۋ اۋدانىن تاڭداۋ تۋرالى ۇكىمەتتىڭ كەلىسىمى;
5) اەس تەحنولوگياسىن تاڭداۋ;
6) اەس ورنالاستىرۋ, جوبالاۋ, سالۋ ءۇشىن ينجەنەرلىك ىزدەنىس;
7) جوبالاۋ الدىنداعى قۇجاتتامالاردى دايىنداۋ;
8) قوعامدىق تىڭداۋلار;
9) ۇكىمەتتىڭ اەس سالۋ تۋرالى شەشىمى.
