ماەك-تەگى №3 ەنەرگيا بلوگىن قالپىنا كەلتىرۋگە بايلانىستى, سونداي-اق №1 جەس ەنەرگيا بلوگى جۇمىسىنىڭ ۋاقىتشا توقتاۋى سەبەپتى جۇرگىزىلىپ جاتقان جۇمىستار ماڭعىستاۋ وبلىسىندا ەلەكتر ەنەرگياسىن تۇتىنۋعا ۋاقىتشا ء«تيىمدى» شەكتەۋ رەجىمىن ەنگىزۋگە ءماجبۇر ەتتى. «كەگوك» اق ۇلتتىق ديسپەتچەرلىك ورتالىعى ديسپەتچەرىنىڭ كەلىسىمىمەن ەنگىزىلگەن شاراعا ساي ءوڭىردىڭ بىرقاتار ەلدى مەكەنىندە ەلەكتر ەنەرگياسىن اجىراتۋ ءادىسى قولدانىلادى.
13 تامىزدا ماەك-تەگى ەنەرگوبلوكتاردىڭ اپاتتىق جوندەۋدە بولۋىنا بايلانىستى وبلىستا ايماق باسشىلىعىنىڭ توراعالىعىمەن قۇرامىنا ۋاكىلەتتى مەملەكەتتىك ورگاندار مەن كوممۋنالدىق قىزمەت وكىلدەرى كىرگەن جەدەل شتاب قۇرىلدى. جەدەل شتاب 13-14 تامىزعا قاراعان ءتۇنى ءبىرىنشى ساناتتاعى نىسانداردى, ياعني الەۋمەتتىك جانە دەنساۋلىق ساقتاۋ نىساندارىن ەلەكتر ەنەرگياسىمەن قامتاماسىز ەتۋ ماسەلەسىن قارادى. سونداي-اق ءوڭىردىڭ ەلدى مەكەندەرىن ەلەكتر ەنەرگياسىمەن پروپورتسيونالدى قامتاماسىز ەتۋ ءۇشىن ۋاقىتشا اجىراتۋدى ء«تيىمدى» تاسىلمەن قولدانۋ تۋرالى شەشىم قابىلداندى. اتالعان شەشىمگە سايكەس, تۇتىنىلاتىن ەنەرگيا كولەمىن شەكتەۋ ماقساتىندا تۇتىنۋشىلاردى 3-تەن 5 ساعاتقا دەيىنگى ەلەكتر جەلىسىنەن تسيكلدىك اجىراتۋ جۇرگىزىلەدى جانە بۇل شەكتەۋ «ماەك» ەنەرگوبلوكتارىنداعى اپات جويىلعانعا دەيىن جالعاسادى.
ءىرى ونەركاسىپتىك نىساندارعا بەرىلەتىن ەلەكتر ەنەرگياسىنا دا شەكتەۋ قويىلماق. جەدەل شتاب ەلەكتر ەنەرگيانى تەز ارادا قالپىنا كەلتىرۋ ماقساتىندا بىرقاتار شارا قابىلداپ جاتىر. ماڭعىستاۋ وبلىسى اكىمىنىڭ ءبىرىنشى ورىنباسارى جۇماباي قاراعاەۆ جاۋاپتى تۇلعالارعا بارلىق كوممۋنالدىق قىزمەتتىڭ ۇيلەسىمدى جۇمىسىن ۇيىمداستىرۋدى, سونداي-اق «ماەك»ەنەرگوبلوكتارىنداعى اپات جويىلعانعا دەيىن ونەركاسىپ تۇتىنۋشىلارى مەن تۇرعىندارعا ەلەكتر ەنەرگياسىن ۇنەمدى پايدالانۋ تۋرالى ءتۇسىندىرۋ جۇمىستارىن جۇرگىزۋدى تاپسىردى.
تامىز ايىنىڭ 14-ىنەن, ياعني اپتانىڭ باسىنان باستاپ سوڭىنا دەيىن اقتاۋ جانە جاڭاوزەن قالالارىندا, بىرقاتار ەلدى مەكەندە ەلەكتر ەنەرگياسىن تۇتىنۋدىڭ شەكتەۋ رەجىمىنە سايكەس سارالانعان كەستە جاساقتالدى. 15-18 تامىز ارالىعىن قامتيتىن كەستەدە جاڭاوزەن قالاسىندا, مۇنايلى اۋدانى مەن تۇپقاراعان اۋدانىندا, ماڭعىستاۋ اۋدانى مەن اقتاۋ قالاسى شاعىن اۋداردارىندا ەلەكتر ەنەرگياسىن اجىراتۋدىڭ كەستەسى كورسەتىلگەن.
ماەك-تە جاعداي ءماز ەمەس. تۇرعىندار قىلىشىن سۇيرەتىپ قىر استىندا تۇرعان قىستا جارىق پەن جىلۋ, سۋمەن قامتۋدىڭ قالاي بولارىنا الاڭداۋلى.
ماڭعىستاۋ وبلىسى
