سينوپتيكتەردىڭ مالىمەتىنە سۇيەنسەك, ەلىمىزدىڭ باسىم بولىگىندە اۋا رايى نەگىزىنەن جاۋىن-شاشىنسىز بولادى, تەك رەسپۋبليكانىڭ سولتۇستىك-شىعىسىندا, شىعىسىندا جانە وڭتۇستىك-شىعىسىندا اتموسفەرالىق فرونتالدى بولىكتەردىڭ وتۋىنە بايلانىستى نايزاعاي ويناپ, جاڭبىر جاۋادى.
الماتى وبلىسى مەن جەتىسۋ وبلىسىنىڭ تاۋلى ايماقتارىندا جاڭبىر مەن بۇرقاسىن تۇرىندەگى قاتتى جاۋىن-شاشىن جانە بۇرشاق جاۋى مۇمكىن. ەكپىندى جەل سوعۋى ىقتيمال. ەلىمىزدىڭ سولتۇستىك-باتىسىندا, ورتالىعىندا تۇندە جانە تاڭەرتەڭ تۇمان تۇسەدى.
كۇندىز اتىراۋ, ماڭعىستاۋدىڭ باسىم بولىگىندە, باتىس قازاقستان وبلىسىنىڭ وڭتۇستىك-باتىسىندا 38°س-قا دەيىن قاتتى ىستىق ساقتالادى.
اتىراۋ, ماڭعىستاۋ, جامبىل, قىزىلوردا وبلىستارىندا, وڭتۇستىگىندە, اقتوبەنىڭ ورتالىعىندا, قوستانايدىڭ وڭتۇستىگىندە, قاراعاندىنىڭ ورتالىعىندا, سولتۇستىكتە, الماتى قالاسىنىڭ ورتالىعىندا, سولتۇستىكتە, باتىستا, وڭتۇستىكتە, تۇركىستاننىڭ شولەيتتى ايماقتارىندا, باتىسىندا, وڭتۇستىك-شىعىسىندا, باتىس قازاقستان وبلىستارىنىڭ ورتالىعىندا توتەنشە ءورت قاۋپى ساقتالادى.
باتىس قازاقستاننىڭ باسىم بولىگىندە, سولتۇستىك قازاقستان, اقمولا وبلىستارىنىڭ باتىسىندا, وڭتۇستىگىندە, جەتىسۋ وبلىسىنىڭ باتىسىندا جوعارى ءورت قاۋپى بار.
