بۇنداي جاڭالىقپەن X الەۋمەتتىك جەلىسىنىڭ يەسى يلون ماسك ءوز پاراقشاسىندا ءبولىستى.
ونىڭ ايتۋىنشا, اتالمىش ايقاستى ءوزىنىڭ جانە تسۋكەربەرگتىڭ قورى ۇيىمداستىرادى.
وسىلايشا ماسك مۇنىڭ الدىنداعى «جەكپە-جەك UFC الاڭىندا وتەدى» دەگەن اقپاراتتى جوققا شىعاردى.
تىكەلەي ەفير X پلاتفورماسىندا (بۇرىنعى Twitter جەلىسىندە) جانە تسۋكەربەرگكە تيەسىلى Meta-دا كورسەتىلەدى.
«كامەراعا تۇسەتىن بۇكىل كورىنىس ەجەلگى ريم ستيلىندە بولادى, دەمەك زاماناۋي ەشتەڭە كۇتپەڭدەر. مەن يتاليانىڭ پرەمەر-مينيسترىمەن جانە مادەنيەت مينيسترىمەن سويلەستىم. ولار شارانى ەپيكالىق ورىندا وتكىزۋگە كەلىستى», دەپ جازدى يلون ماسك ءوز پاراقشاسىندا.
سونىمەن قاتار ميللياردەردىڭ سوزىنە قاراعاندا, تۇسكەن قاراجات تۇگەل ارداگەرلەرگە اۋدارىلادى.
