وسى جىلى وتاندىق فەرروقورىتپا وندىرۋشىلەرى قاراعاندى وبلىسىندا ونىمدىلىگى جىلىنا 400 مىڭ توننا بولاتىن ارنايى كوكس شىعاراتىن جاڭا زاۋىتتا العاشقى ءونىمدى شىعارا باستايدى. بۇل يمپورتتىق ۇلەستى جىلىنا 57 ملرد تەڭگەگە تومەندەتىپ, سونداي-اق جوعارى ساپالى وتىن تۇرىنە قول جەتكىزۋگە مۇمكىندىك بەرەدى. 261 ادامدى جۇمىسپەن قامتاماسىز ەتۋدى كوزدەيتىن جوبانىڭ قۇنى 43 ملرد تەڭگەگە باعالانعان.
قوستانايداعى رەسپۋبليكالىق ماشينا جاساۋ ورتالىعى بيىل كوممەرتسيالىق جۇك كولىكتەرىنە ارنالعان كوپىرلەردىڭ نەگىزگى كومپونەنتتەرىن ءوندىرۋ بويىنشا نەگىزگى ونەركاسىپ ورتالىعىنا اينالماق. زاۋىت اۆتوماتتاندىرۋدىڭ جوعارى دارەجەسىمەن ەرەكشەلەنىپ, حالىقارالىق ەكولوگيالىق ستاندارتتارعا تولىق ساي جانە جەرگىلىكتى وقۋ ورىندارىمەن ىنتىماقتاستىق ورناتقان. ءوندىرىس كەزەڭىندە مۇندا 300-گە دەيىن ادام جۇمىس ىستەيدى.
2023 جىلى وتاندىق اۆتوموبيل ونەركاسىبىندەگى تاعى ءبىر ايتارلىقتاي جاڭالىق – قوستانايدا Chevrolet Enix ماركالى اۆتوكولىكتەردىڭ ءوندىرىسى جۇزەگە اسىرىلادى. نارىقتا قوزعالتقىشى 90 جانە 132 ات كۇشىنە تەڭ سەداننىڭ 2 ءتۇرى بولادى. جىلىنا 30 مىڭ ماشينا شىعارۋ كوزدەلىپ وتىر. جوبانى ىسكە اسىرۋعا 23,4 ملرد تەڭگە جۇمسالىپ, 400 جۇمىس ورنى قۇرىلادى.
بۇعان قوسا ساران مونوقالاسىندا تۇرمىستىق تەحنيكانى, الماتىدا اليۋميني رادياتورلارىن, قاراعاندىدا جەل گەنەراتورلارىنا ارنالعان كونۋستىق مۇنارالاردى, قوستانايدا Jetour, Kia جانە SsangYong ماركالى كولىكتەردى جانە پاۆلوداردا اليۋميني ديسكىلەرىن ءوندىرۋ جوسپارلانعان. ەلىمىزدە ازىق-ت ۇلىك قاۋىپسىزدىگىن قامتاماسىز ەتۋ ءۇشىن ماكارون ونىمدەرى, ءسۇت جانە ءسۇت ونىمدەرى, قۇس ەتى جانە باسقا دا ءوندىرىس تۇرلەرىنىڭ اۋقىمى كەڭەيتىلمەك.
تۇتاستاي العاندا, 2023 جىلى 13,2 مىڭ تۇراقتى جۇمىس ورنىن قۇرۋ جوسپارلانىپ وتىر.
