جىل باسىندا الماتىدا 3 گاسترولەر-پاتەر ۇرىسى ۇستالعان. ۇشەۋى دە شىعىس قازاقستان وبلىسىنىڭ تۇرعىنى ەكەنى انىقتالدى. ولار پلاستيكالىق تەرەزە ارقىلى ۇيگە ەنىپ, 5 پاتەردى توناپ كەتكەن. ءسويتىپ پاتەر يەلەرىنە 9 ملن تەڭگەدەن استام شىعىن كەلتىرىپتى. قازىر ۇرىلاردىڭ بارلىعى 3 جىلعا باس بوستاندىعىنان ايىرىلعان. بيىلعى جاز ماۋسىمىندا دا جەدەل-ىزدەستىرۋ ءىس-شارالارى كەزىندە اقمولا وبلىسىنىڭ ششۋچينسك قالاسىنىڭ بۇرىن سوتتالعان تۇرعىنى قۇرىقتالعان. ول وسى قالادا تۇرعىنداردىڭ جوقتىعىن پايدالانىپ, ءۇش پاتەردى توناعان. زالال مولشەرى – 3 ملن تەڭگە. وسى سەكىلدى قىلمىستاردى زەردەلەۋدە پاتەر ۇرلىعىن بۇرىن قىلمىس جاساعان جانە جابىرلەنۋشىلەرمەن تاتۋلاسۋ ارقىلى جاۋاپكەرشىلىكتەن باس تارتۋعا مۇمكىندىگى بار ادامدار جاسايتىندىعى انىقتالىپ وتىر.
– قىلمىستىق كودەكستەگى وزگەرىستەرگە سايكەس, بىرنەشە رەت ۇرلىق جاساۋ جانە ءۇي-جايلاردى توناۋ قىلمىستىڭ اۋىر تۇرلەرىنە جاتادى. وزگەنىڭ يەلىگىن قولدى ەتكەندەردىڭ مۇلكى تاركىلەنىپ, 7 جىلعا دەيىن باس بوستاندىعىنان ايىرۋ جازاسى كوزدەلەدى. جەرگىلىكتى اتقارۋشى ورگاندارمەن جانە ساۋدا وبەكتىلەرىنىڭ اكىمشىلىكتەرىمەن بىرلەسىپ ۇرلانعان م ۇلىكتى ساتىپ الۋ جانە وتكىزۋ فاكتىلەرىنە جول بەرمەۋ جونىندە شارالار قابىلدانىپ جاتىر, – دەدى ءا.جۇكەنوۆ.
جالپى, كەيىنگى بەس جىلدا پاتەر توناۋ قىلمىسى سايابىرسىعان. ياعني ۇرلىق ارقىلى بايىعاندى ماقۇل كورەتىندەر جىل سايىن ورتا ەسەپپەن 34,4%-عا سيرەپ كەلەدى. اشىپ ايتساق, 2018 جىلى 34 مىڭنان استام قىلمىس تىركەلسە, 2022 جىلى بۇل زاڭسىزدىق 11 مىڭنان اسپاعان. بيىل دا 16,1%-عا تومەندەگەنى بايقالادى.
– بىراق جەكە م ۇلىكتى ۇرلاعان ادامدار پاتەرگە كىرۋ داعدىلارى مەن تاسىلدەرىن ۇنەمى جەتىلدىرىپ وتىراتىنىن اتاپ وتكەن ءجون. ولار زاماناۋي تەحنيكانى, ۇيالى بايلانىستى پايدالانادى, ەسىكتەر مەن ق ۇلىپتاردى وڭاي اشاتىن ارنايى قۇرالداردى ساتىپ الادى نەمەسە قولدان جاسايدى. بۇل رەتتە, نەگىزىنەن پاتەر ۇرلىعى كۇندىزگى ۋاقىتتا, اتاپ ايتقاندا ءۇي يەلەرى جۇمىستا نەمەسە وقۋدا بولعان كەزەڭدە جاسالادى. تۇرعىن ۇيگە كىرۋ ءۇشىن ۇرىلار ءتۇرلى ادىستەردى قولدانادى. مىسالى, ەسىكتەردى سىندىرادى, اشىق تەرەزەلەر, بالكوندار ارقىلى كىرەدى, پلاستيكالىق تەرەزەلەردى اشىپ الادى, ق ۇلىپتاردىڭ كىلتتەرىن تاڭدايدى جانە تاعى باسقا, – دەدى اسا ماڭىزدى ىستەر جونىندەگى اعا جەدەل ۋاكىل.
وسىعان بايلانىستى قابىلدانىپ جاتقان شارالاردى جەتىلدىرۋ ماقساتىندا ىشكى ىستەر مينيسترلىگى بىرقاتار ۇيىمداستىرۋشىلىق جانە زاڭنامالىق باستامانى جۇيەلى ىسكە اسىرىپ كەلەدى. ۇرلىققا قارسى ءىس-شارالار كەشەنىن كوزدەيتىن م ۇلىكتى قورعاۋ بويىنشا ءىىم سالالىق باعدارلامالارى اياسىندا تۇرعىن ۇيلەردىڭ اۋلالارىندا 68 مىڭنان استام بەينەباقىلاۋ كامەراسى ورناتىلعان. بۇل قۇرىلعىلاردىڭ 22 مىڭنان استامى تۇرعىنداردىڭ باستاماسىمەن جابدىقتالعان. كۇن سايىن پاتەر ۇرلىعىن جاساۋ ءادىسى, ءتاسىلى, ۋاقىتى بويىنشا تالداۋ جۇرگىزىلىپ وتىرادى. كەيىن ناتيجەلەرى بويىنشا پوليتسيانىڭ پاترۋلدىك جاساقتارىنىڭ قوزعالىس باعىتتارى قاراستىرىلادى ەكەن.
– پاتەر ۇرىلارىنىڭ قۇربانى بولماۋلارىڭىزعا كومەكتەسەتىن بىرنەشە كەڭەسكە توقتالعىم كەلەدى. ەگەر پاتەرلەرىڭىز ءبىرىنشى نەمەسە سوڭعى قاباتتا, ءورت باسپالداعىنىڭ, ماڭدايشانىڭ نەمەسە سۋاعار قۇبىرلارىنىڭ جانىندا ورنالاسسا, ستاتسيونارلىق تورلار ورناتقانىڭىز ءجون. ويتكەنى ۇرىلار كوبىنە تەرەزەدەن ەنەدى. ەسىگىڭىزگە كىلت اينالىمى كوپ ق ۇلىپ ورناتۋعا تىرىسىڭىز. تۇتاستاي مەتالدان جاسالعان ەسىكتى تاڭداعان دۇرىس. اقشا, قىمبات بۇيىمداردى شكافتار مەن ماتراستاردىڭ استىنا ەمەس, جاقسى بەكىتىلگەن سەيفتەرگە ساقتاڭىز. ءۇيىڭىزدىڭ ماڭايىندا بەيتانىس, كۇدىكتى ادامداردىڭ جۇرگەنىن, قانداي دا ءبىر پاتەردى تورۋىلداپ تۇرعانىن اڭعارساڭىز بىردەن 102 نومىرىنە حابارلاسىڭىز, – دەدى ول.
